Harihara Veeramallu Release Date : ప్రస్తుతం పవర్ స్టార్ పవన్ కల్యాణ్ అభిమానులంతా ఫుల్‌ ఖుషీగా ఉన్న సంగతి తెలిసిందే. పవన్ పుట్టినరోజు సందర్భంగా వచ్చిన ఆయన అప్‌కమింగ్‌ చిత్రాల అప్డేట్స్ ఫ్యాన్స్ను ఉర్రూతలూగించాయి. అయితే తాజాగా అభిమానులకు మరో గుడ్‌ న్యూస్ చెప్పారు నిర్మాత ఏఎమ్‌ రత్నం. క్రిష్ దర్శకత్వంలో పవన్ కల్యాణ్ నటిస్తున్న భారీ పీరియాడిక్ చిత్రం 'హరిహర వీరమల్లు'. ఈ సినిమా విడుదలకు సంబంధించి ఓ కీలక అప్డేట్ను ఇచ్చారాయన.
టాలీవుడ్ యంగ్ హీరో కిరణ్‌ అబ్బవరం, నేహాశెట్టి జంటగా నటించిన చిత్రం 'రూల్స్‌ రంజన్‌'. ఈ సినిమా సెప్టెంబర్ 28న రిలీజ్కు రెడీ అయింది. ఈ సందర్భంగా మూవీటీమ్ ఏర్పాటు చేసిన మీడియా సమావేశంలో ఏఎమ్‌ రత్నం పాల్గొన్నారు. ఇందులో మీడియా ప్రతినిధులు అడిగిన ప్రశ్నలకు సమాధానాలు చెప్పారు. 'హరిహర వీరమల్లు' విడుదల గురించి కూడా మాట్లాడారు.
Harihara Veeramallu Shooting Update : "ఇది పిరియాడికల్‌ మూవీ. చాలా పెద్ద సినిమా ఇది. అన్నీ చిత్రాల కన్నా భిన్నంగా ఉంటుంది. గ్రాఫిక్స్‌ వర్క్‌ ఎక్కువ చేయాల్సి ఉంటుంది. అలాగే, పవన్ కల్యాణ్ కూడా పొలిటికల్గా చాలా బిజీగా ఉన్నారు. అందుకే తక్కువ రోజుల్లో పూర్తయ్యే రీమిక్స్‌, చిన్న సినిమాలను చేస్తున్నారు. హరిహర వీరమల్లు షూటింగ్ను ఈ ఏడాది చివరి నాటికి కంప్లీట్ చేస్తాం. వచ్చే ఏడాది ఎలెక్షన్స్ కన్నా ముందే ఈ సినిమాను రిలీజ్ చేస్తాం" అని పేర్కొన్నారు.