Dil Raju Nephew Ashish Reddy New Movie : ప్రముఖ నిర్మాత దిల్ రాజు ఫ్యామిలీ హీరో ఆశిష్ రెడ్డి..తన మూడో సినిమా కోసం సన్నాహాలు ప్రారంభించేశారు. 'రౌడీ బాయ్స్' సినిమాతో టాలీవుడ్ అరంగేట్రం చేసిన ఆశిష్.. తొలి సినిమాతో ఆశించిన స్థాయిలో ఆకట్టుకోలేకపోయారు. ప్రస్తుతం 'సెల్ఫీష్' అనే సినిమాలో నటిస్తున్నారు. ఇది ఇంకా పూర్తి కాకుండానే అప్పుడే తన మూడో సినిమాను గ్రాండ్గా ప్రారంభించేశారు.
తాజాగా హైదరాబాద్‌లో ఈ సినిమా ముహూర్తపు వేడుక ఘనంగా జరిగింది. ఈ ఈవెంట్కు పలువురు నిర్మాతలు హాజరై సందడి చేశారు. నిర్మాతలు చిన్నబాబు, నాగవంశీ సహా పలువురు హాజరై.. సినిమా టీమ్కు ఆల్ ది బెస్ట్ చెప్పారు. చీఫ్ గెస్ట్గా విచ్చేసిన మాటల మాంత్రికుడు త్రివిక్రమ్‌ ముహూర్తపు సన్నివేశానికి క్లాప్ కొట్టి మూవీ టీమ్కు విషెస్ తెలిపారు.
మరోవైపు ఈ సినిమాను గ్రాండ్గా ప్లాన్ చేస్తున్నట్లు అర్థమవుతోంది. ప్రతిష్టాత్మక ఆస్కార్ అవార్డ్ గ్రహీత కీరవాణి ఈ సినిమాకు సంగీతం అందించనున్నారు. సినిమాటోగ్రాఫీ బాధ్యతలను పీశి శ్రీరామ్ చూసుకోనున్నారు. ఇంకా పలువురు స్టార్ టెక్నికల్‌ టీమ్ కూడా ఈ మూవీ కోసం పనిచేయడం విశేషం. ఇదంతా చూస్తుంటే సినిమాను భారీగానే ప్లాన్ చేస్తున్నట్లు తెలుస్తోంది. హార్రర్, కామెడీ అండ్ లవ్ జానర్‌లో ఈ సినిమా కథను సిద్ధం చేసినట్లు తెలిసింది. ఈ సినిమాకు అరుణ్‌ దర్శకత్వం వహించనున్నారు. సరికొత్త కాన్సెప్ట్‌తో ఈ చిత్రం తెరకెక్కనుందని సినీ వర్గాల ఇన్సైడ్ టాక్. త్వరలోనే రెగ్యులర్ షూటింగ్ ప్రారంభించనున్నారు.