Devara Saif Ali Khan Look : జూనియర్ ఎన్టీఆర్ 'దేవర' నుంచి ఓ సాలిడ్ అప్డేట్ను ఇచ్చింది మూవీ టీమ్. బాలీవుడ్ నటుడు సైఫ్ అలీ ఖాన్ బర్త్డే సందర్భంగా సినిమాలో ఆయన లుక్కు సంబంధించిన పోస్టర్ను ఒకటి విడుదల చేసింది. ఇందులో ఆయమ భైరా అనే క్యారెక్టర్లో నటిస్తున్నట్లు ఆ పోస్టర్ ద్వారా తెలిపింది. ఈ పోస్టర్లో సైఫ్ అలీ ఖాన్ లుక్ చూస్టుంటే.. జుట్టు ముఖం మీద పడుతూ బ్లాంక్ ఎక్స్‌ప్రెషన్‌తో ఆయన కనిపిస్తున్నారు. బ్యాక్‌గ్రౌండ్‌లో కొండలు, కింద సముద్రం, అందులో పడవల్లో వెళ్తున్న కొంతమందిని చూపించారు. గతంలో విడుదలన జూనియర్ ఎన్టీఆర్ ఫస్ట్ లుక్‌లోనూ పడవల్లో ఉన్న కొంతమందిని చంపినట్లు చూపించారు. కాబట్టి ఆ గ్యాంగ్.. సైఫ్ అలీ ఖాన్కు సంబంధించిన మనుషులే అని తెలుస్తోంది.
ఇకపోతే ఇప్పటికే జూనియర్ ఎన్టీఆర్, జాన్వీ కపూర్ పోస్టర్లను రిలీజ్ చేసిన మూవీ టీమ్.. ఇప్పుడు సైఫ్ పోస్టర్తో సినిమాపై మరింత అంచనాలను పెంచేసింది. అయితే 'ఆర్ఆర్ఆర్' తర్వాత జూనియర్ ఎన్టీఆర్ నటిస్తున్న సినిమా అయినందున 'దేవర' గురించి ఎటువంటి అప్డేట్ వచ్చినా అది ప్రేక్షకుల్లో మరింత ఆసక్తిని నింపుతోంది. దీంతో ఈ మూవీ ఎప్పుడెప్పుడు రిలీజౌతుందా అంటూ ఫ్యాన్స్ వేయి కళ్లతో ఎదురు చూస్తున్నారు.
Devara Movie Cast : ఇక సినిమా విషయానికి వస్తే.. కొరటాల శివ ద‌ర్శ‌క‌త్వంలో తెరకెక్కుతున్న ఈ సినిమాలో ఎన్టీఆర్ సరసన బాలీవుడ్ న‌టి జాన్వీ కపూర్ నటిస్తుండగా.. సైఫ్ అలీఖాన్, షైన్ టామ్‌ చాకో లాంటి స్టార్స్ కీలక పాత్రలు పోషిస్తున్నారు. యువ‌సుధ ఆర్ట్స్, ఎన్టీఆర్ ఆర్ట్స్ బ్యాన‌ర్ల‌పై ఈ సినిమాను మిక్కిలినేని సుధాకర్, నందమూరి కళ్యాణ్ రామ్ సంయుక్తంగా నిర్మిస్తున్నారు.