Animal Movie Box Office Collection :టాలీవుడ్ దర్శకుడు సందీప్ రెడ్డి వంగ డైరెక్షన్లోబాలీవుడ్ స్టార్ హీరో రణ్బీర్ కపూర్ లీడ్లో తెరకెక్కిన 'యానిమల్' సినిమా బాక్సాఫీసు ముందు కలెక్షన్ల వర్షం కురిపిస్తోంది. నాన్ హాలీడేస్ (వీక్ డేస్), వీకెండ్లోనూ హౌల్ఫుల్ షోస్తో ప్రదర్శితమౌతూ, కాసుల వర్షం కురిపిస్తోంది. తొమ్మిది రోజుల్లో ఇండియాలో రూ.400 కోట్లు వసూలు చేసింది. ప్రపంచవ్యాప్తంగా రూ.660.89 కోట్ల గ్రాస్ కలెక్ట్ చేసినట్లు చిత్ర యూనిట్ ఆదివారం అధికారికంగా ప్రకటించింది.
హిందీలో ఆల్టైమ్ రెండో శనివారం రికార్డులను కూడా యూనిమల్ బద్దలుగొట్టింది. శనివారం ఈ మూవీ హిందీలో 32.47 కోట్ల నెట్ కలెక్షన్లు సాధించిందని చిత్ర బృందం తెలిపింది. ఇక దీంతో పాటు ఈ సినిమా ప్రపంచవ్యాప్తంగా రూ.650 కోట్ల మార్క్ను క్రాస్ చేసిన టాప్ 5 మూవీల్లో ఒకటిగా నిలిచినట్లు తెలుస్తోంది. ప్రముఖ ట్రెడ్ అనలిస్ట్ రమేశ్ బాల తెలిపిన సమాచారం ప్రకారం రూ.650 కోట్లకు పైగా గ్రాన్ కలెక్ట్ చేసిన జాబితాలో ప్రస్తుతం యానిమల్ ఐదో స్థానంలో ఉంది. ఇంకా విజయవంతంగా ప్రదర్శితమవుతోంది. మొదటి నాలుగు స్థానాల్లో షారుక్ ఖాన్ నటించిన 'పఠాన్', 'జవాన్' తోపాటు రజనీ కాంత్ 'జైలర్', సన్నీ దెఓల్ 'గదర్-2' ఉన్నాయి.