Allu Arjun Upcoming Movies :స్టైలిష్ స్టార్ అల్లు అర్జున్కు ఉన్న ఫ్యాన ఫాలోయింగ్ గురించి ప్రత్యేకంగా చెప్పనక్కర్లేదు. 'పుష్ప' సినిమాతో పాన్ ఇండియా లెవల్లో అభిమానులను సంపాదించుకున్నారు. ఓవర్సీస్లోనూ ఈ ఐకాన్ స్టార్కు భారీ సంఖ్యలో ఫ్యాన్స్ ఉన్నారు. ఇటీవలే ఉత్తమ నటుడిగా నేషనల్ అవార్డును అందుకున్న బన్నీ.. ఇదే జోష్తో ప్రస్తుతం 'పుష్ప-2' షూటింగ్లో బిజీగా ఉన్నారు. అయితే పుష్ప తర్వాత తన జోరును పెంచుతూ వరుస ప్రాజెక్టులపై సైన్ చేసి సందడి చేస్తున్నారు. ఇక ఈ మధ్యకాలంలో బన్నీ గ్రీన్ సిగ్నల్ ఇస్తున్న ప్రాజెక్ట్స్ను చూసి ఇండస్ట్రీ పెద్దలే షాక్ అవుతున్నారట.
'పుష్ప2' షూటింగ్ పూర్తయిన తర్వాత తన తదుపరి చిత్రాన్ని మాస్ డైరెక్టర్ బోయపాటి శ్రీనుతో చేయబోతున్నారు అల్లు అర్జున్. కొద్ది రోజుల క్రితమే బన్నీ.. బోయపాటితో సినిమా చేసేందుకు గ్రీన్ సిగ్నల్ ఇచ్చినట్లు సమాచారం. దీని తర్వాత మాటల మాంత్రికుడు త్రివిక్రమ్తో కలిసి ఓ భారీ సోషియో ఫాంటసీ సినిమా చేసేందుకు రెడీ అయ్యారు. ఇప్పటికే ఈ ప్రాజెక్టుకు సంబంధించి అఫీషియల్ అనౌన్స్మెంట్ కూడా వచ్చేసింది. దీనికంటే ముందే 'యానిమల్' డైరెక్టర్ సందీప్ రెడ్డి వంగాతో ఓ యాక్షన్ మూవీ చేసేందుకు ఒప్పుకున్నారు ఐకాన్ స్టార్. దీనికి సంబంధించిన అధికారిక ప్రకటన కూడా కొద్ది నెలల క్రితమే వచ్చింది.
స్టార్ డైరెక్టర్లతో లైనప్..
మరోవైపు కోలీవుడ్ డైరెక్టర్ అట్లీతోనూ మరో భారీ యాక్షన్ మూవీని ప్లాన్ చేస్తున్నారట బన్నీ. దీనికి సంబంధించి వార్తలు ఇప్పటికే నెట్టింట చక్కర్లు కొడుతున్నాయి. ఇటీవలే 'జవాన్' మూవీతో భారీ హిట్ అందుకున్నఅట్లీ ఎప్పటినుంచో బన్నీతో సినిమా చేయాలని అనుకుంటున్నారట. 'జవాన్' కూడా బాక్సాఫీస్ వద్ద సక్సెస్గా నిలవడం వల్ల బన్నీ కూడా అట్లీతో సినిమా చేయాలని భావిస్తున్నారట.