Be alert: ఉదయం సేల్స్​మెన్.. రాత్రి పక్కా చోర్

ఆ దొంగకు తాళం వేసి ఇళ్లే టార్గెట్​.. ఉదయం సేల్స్​మెన్​గా పనిచేస్తున్నట్లు.. తాళం వేసిన ఇళ్లు ఏం ఉన్నాయో అని రెక్కీ నిర్వహిస్తాడు. రాత్రి చోరీలకు పాల్పడతాడు. అలా ఓ వ్యక్తి ఇంట్లో చోరీకి పాల్పడి.. నగదు, బంగారంతో పరారయ్యాడు. బాధితురాలి ఫిర్యాదు మేరకు ఆ దొంగను పోలీసులు పట్టుకున్నారు.

హైదరాబాద్ మిశ్రీ గంజికు చెందిన మహమ్మద్ కమిల్ అలియాస్ అజార్ సేల్స్​మెన్​గా విధులు నిర్వహిస్తూ.. గత కొంతకాలంగా మైలార్‌దేవ్‌పల్లి​ పోలీస్​స్టేషన్​ పరిధిలోని ముస్తఫానగర్​ అన్సారీ ఒవైసీ హిల్స్​లో నివాసం ఉంటున్నాడు. అజార్​ సేల్స్​మెన్​గా విధులు నిర్వహిస్తున్నప్పుడు తాళం వేసి ఉన్న ఇళ్లను టార్గెట్​ చేసి దొంగతనాలకు పాల్పడేవాడు. ఇదే క్రమంలో మే 25న మైలార్​దేవ్​పల్లి పోలీస్​స్టేషన్​ పరిధిలోని రిజ్వాన్​ కాలనీలో ఫమీద బేగం ఇంట్లో దొంగతనానికి పాల్పడి అర తుల బంగారం, 2 వెండి ఆభరణాలు, 4 వాచ్​లు, 4.5 లక్షల నగదు దొంగతనం చేశాడు.

బాధితురాలి ఫిర్యాదు మేరకు కేసు నమోదు చేసుకున్న పోలీసులు.. శనివారం అజార్​ను అదుపులోకి తీసుకున్నారు. నిందితుడి వద్ద నుంచి బంగారు, వెండి ఆభరణాలు, నగదును స్వాధీనం చేసుకున్నారు. గతంలో కూడా మైలార్​దేవ్​పల్లి పరిధిలో 2సార్లు దొంగతనాలకు పాల్పడినట్లు వెల్లడించారు.

ఇదీ చూడండి: 'కుటుంబ ఆత్మహత్య అనుమానాస్పద మృతిగా ప్రాథమిక నిర్ధరణ'