విద్యార్థినులతో అసభ్య ప్రవర్తన.. ప్రధానోపాధ్యాయుడికి బడితెపూజ

విద్యాబుద్ధులు నేర్పాల్సిన ఉపాధ్యాయుడు పెడదారి పట్టాడు. తన వద్ద చదువుకునే ఆడపిల్లలతో అసభ్యకరంగా మాట్లాడుతూ.. చివరికి దెబ్బలు తిన్నాడు. ఏపీలోని శ్రీకాకుళం జిల్లా పొందూరు మండలం లైదాంలో ఈ ఘటన జరిగింది.

ఏపీలోని శ్రీకాకుళం జిల్లా పొందూరు మండలం లైదాం ప్రభుత్వ పాఠశాల ప్రధానోపాధ్యాయుడు మురళీకృష్ణ.. గ్రామస్థుల చేతిలో దెబ్బలు తిన్నారు. తమతో అసభ్యకరంగా మాట్లాడుతున్నాడంటూ.. ఆడపిల్లలు తల్లిదండ్రులకు ఫిర్యాదు చేశారు.

ఈ ఉదయం పాఠశాలకు వచ్చిన తల్లిదండ్రులు ప్రధానోపాధ్యాయుడిని చితకబాదారు. పలుమార్లు హెచ్చరించినా... ఆయన ప్రవర్తనలో మార్పు లేదని అందుకే బుద్ధి చెప్పామని... గ్రామస్థులు తెలిపారు. జిల్లా విద్యాశాఖ అధికారులు, కలెక్టర్‌కు ఫిర్యాదు చేస్తామని చెప్పారు.

ఇదీ చదవండి:మంత్రి కేటీఆర్‌ పీఏ పేరుతో మోసాలు.. లక్షల్లో వసూళ్లు