ట్రాక్టర్​ను ఢీకొన్న ద్విచక్ర వాహనం.. ఒకరు మృతి

ట్రాక్టర్​, ద్విచక్ర వాహనం ఢీకొన్న ఘటన నాగర్​ కర్నూల్​ జిల్లా అచ్చంపేటలో జరిగింది. ఈ ప్రమాదంలో ఒకరు మృతి చెందారు.

నాగర్ కర్నూలు జిల్లా అచ్చంపేటలో ద్విచక్ర వాహనం, ట్రాక్టర్ ఢీకొన్న ఘటనలో యువకుడు మృతి చెందాడు. పట్టణంలోని గోకుల్​ నగర్​కు చెందిన నరేష్​(25) తన స్నేహితుడు పవన్​తో కలిసి తెల్కపల్లి నుంచి అచ్చంపేట వస్తున్నారు. జెఎంజె పాఠశాల ముందు తన ముందున్న కారును తప్పించబోయి ట్రాక్టర్​ను ఢీకొని నరేష్ అక్కడికక్కడే మృతి చెందాడు.

స్నేహితుడు పవన్​కు స్వల్ప గాయాలయ్యాయి. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. విషయం తెలుసుకున్న ప్రభుత్వ విప్ గువ్వల బాలరాజు మృతదేహాన్ని చూసి వారి కుటుంబ సభ్యులకు ఆర్థిక సహాయం చేశారు.

ఇదీ చదవండి: RAITHUBANDHU: ఎల్లుండి నుంచి రైతుల ఖాతాల్లోకి రైతుబంధు