రాత్రి సమయంలో ఇళ్లలో దొంగతనాలకు పాల్పడుతున్న అంతరాష్ట్ర దొంగ జగన్నాధ్ను ఎల్బీనగర్ సీసీఎస్ పోలీసులు అరెస్టు చేశారు. రాచకొండ పోలీస్ కార్యాలయంలో ఏర్పాటు చేసిన సమావేశంలో ఎల్బీనగర్ జోన్ డీసీపీ సంప్రీత్ సింగ్ వివరాలు వెల్లడించారు. నిందితుని వద్ద నుంచి రూ. 32 విలువ చేసే వస్తువులను స్వాధీనం చేసుకున్నామని తెలిపారు. పరారీలో ఉన్న మరో నిందితుడిని త్వరలోనే పట్టుకుని అరెస్టు చేస్తామని పేర్కొన్నారు.
'ఏ1 నిందితుడు జగన్నాధ్పై కర్ణాటకలోనూ పలు దొంగతనాల కేసులు ఉన్నాయి. నిందితుడి నుంచి 44 తులాల బంగారు ఆభరణాలు, 56 తులాల వెండి నగలు, 25 వేల రూపాయల నగదు, కారు, 21 యూఎస్ డాలర్లు, 26 చేతి గడియారాలు, 6 మొబైల్ ఫోన్లను స్వాధీనం చేసుకున్నాం. నిందితుడిని రిమాండ్కు తరలించాం. పరారీలో ఉన్న మరో దొంగను త్వరలోనే పట్టుకుంటాం.'