కిడ్నాప్​ అయిన పసిపిల్లాడి ఆచూకీ లభ్యం.. ఎందుకు ఎత్తుకువెళ్లారో తెలుసా?

Kidnapped baby found at vikarabad: అభంశుభం తెలియని చిన్నారిని ఎత్తుకొని వెళ్లి యాచక వృత్తిలో దించుదామనుకున్నారు ఇద్దరు మహిళలు.. అనుకున్నట్లుగానే పసిపాపాయిని దొంగలించారు.. కానీ పోలీసుల బారినుంచి తప్పించుకోలేకపోయారు..

Kidnapped baby found at vikarabad: ఈ నెల 6వ తేదీన నగరంలోని హుమాయున్ నగర్​ పోలీస్​ స్టేషన్​ పరిధిలో ఒక సంఘటన జరిగింది. ​ మెట్రో పిల్లర్​ నంబర్​ 13 వద్ద ఒక యాచకురాలు భిక్షాటన చేస్తూ తన 14 నెలల బాబును పోషించుకుంటోంది. అయితే అదే రోజు రాత్రి నిద్రిస్తున్న సమయంలో ఆ చిన్నారిని గుర్తు తెలియని వ్యక్తులు దొంగలించారు. తన పాపాయి గురించి హుమాయున్ నగర్​ పోలీస్​ స్టేషన్​లో గుర్తు తెలియని వ్యక్తులు తన బాబును దొంగలించారని ఆశ్రయించింది.

ఆమె ఫిర్యాదుతో కేసు నమోదు చేసుకున్న పోలీసులు స్పెషల్​ టీమ్​లుగా ఏర్పడ్డారు. ఆ పరిసర ప్రాంతాల్లోని సీసీ కెమెరాలను పరిశీలించారు. వికారాబాద్​ వైపు ఇద్దరు వ్యక్తులు బాబును తీసుకువెళ్లినట్లు పోలీసులు గుర్తించారు. రంగంలోకి దిగిన పోలీసులు వికారాబాద్​ రైల్వే స్టేషన్​లో ఇద్దరు మహిళలను అదుపులోకి తీసుకున్నారు. వారి వద్ద పసిపిల్లాడిని తీసుకొని యోగక్షేమాలను చూసుకున్నారు. అదుపులోకి తీసుకొన్న ఇద్దరు మహిళలు దస్తమ్మ, లక్ష్మీలుగా గుర్తించారు. దొంగలించిన చిన్నారిని భిక్షాటన కొరకు వాడుకోవాలని చూశారని పోలీసులు తెలిపారు. ఈ కేసును ఛేదించిన పోలీసులను ఉన్నతాధికారులు అభినందించారు. పిల్లవాడిని తల్లికి అప్పగించారు.

ఇవీ చదవండి: