పోలీస్‌స్టేషన్‌లో ఉంచిన సొత్తుకు కాపాలా ఉండాల్సింది పోయి.. కాజేసి పరారయ్యాడు ఓ కానిస్టేబుల్. ఏపీలోని కృష్ణా జిల్లా నూజివీడు పట్టణ పోలీస్‌స్టేషన్‌లో సంచలన సృష్టించిన ఈ కేసులో ఆసక్తికర పరిణామం చోటు చేసుకుంది. డబ్బులతో ఉడాయించిన కానిస్టేబుల్ జనార్ధన్ రెడ్డి.. పోలీసు గ్రూప్లో పెట్టిన ఓ సందేశం కలకలం రేపుతోంది.
రూ.16 లక్షలతో కానిస్టేబుల్ పరార్.. ఆపై గ్రూపులో మెసేజ్ ఏంటంటే?
"నా వైవాహిక జీవితం ఏం బాలేదు. నా జీవితమంటే నాకు అసహ్యం వేస్తోంది. ఒకర్ని చంపిన తర్వాత నేను చనిపోతాను.నన్ను మర్చిపో. గుడ్బై" అంటూ ఓ కానిస్టేబుల్ పోలీస్ గ్రూపులో పెట్టిన సందేశం కలకలం రేపుతోంది. అంతకుముందే పోలీస్ స్టేషన్లో ఉంచిన రూ.16 లక్షల నగదుతో ఉడాయించాడు.
రూ.16 లక్షలతో కానిస్టేబుల్ పరార్
"నేను అసలు ఏం బాలేను. ఐ హేట్ మై మ్యారిడ్ లైఫ్, ఐ హేట్ మై లైఫ్. నేను చనిపోయే ముందు ఓ వ్యక్తిని చంపుతాను. బీరువా తాళాలు నా క్వార్టర్స్లోనే ఉన్నాయి" అంటూ మెసేజ్ చేశాడు. కానిస్టేబుల్ సందేశంతో మరింత అలర్ట్ అయిన పోలీసులు... అతడి కోసం గాలిస్తున్నారు.