Crime news: గుంటూరు జిల్లాలో దారుణం.. తల్లి, కుమార్తె దారుణహత్య

ఏపీలోని గుంటూరు జిల్లా సత్తెనపల్లి నాగార్జున నగర్​లో దారుణం చోటుచేసుకుంది. తల్లీకుమార్తెలను ఓ దుండగుడు పాశవికంగా కత్తితో నరికి చంపాడు. సమీప బంధువే ఈ హత్యకు కారణమని పోలీసులు ప్రాథమికంగా భావిస్తున్నారు.

ఆంధ్రప్రదేశ్​లోని గుంటూరు జిల్లా సత్తెనపల్లి మండలం నాగార్జుననగర్‌లో దారుణం చోటుచేసుకుంది. తల్లి, కుమార్తెను ఓ దుండగుడు కత్తితో నరికి చంపాడు. దీంతో ఇల్లంతా రక్తసిక్తంగా మారింది. హత్యలకు ఆస్తి పంపకాల గొడవే కారణమని పోలీసులు భావిస్తున్నారు.

మృతులు ప్రత్యూష (25), తల్లి పద్మావతి(55)గా గుర్తించారు. ఘటనకు సంబంధించి కేసు నమోదు చేసి దర్యాప్తు చేపట్టిన పోలీసులు.. అనుమానితుడిని అదుపులోకి తీసుకున్నట్టు సమాచారం. సమీప బంధువే ఈ హత్యలకు కారణమని ప్రాథమికంగా భావిస్తున్నారు. నిందితుడిని గుర్తించి ఆచూకీ తెలుసుకునేందుకు పోలీసులు రంగంలోకి దిగారు. సమీపంలోని సీసీ ఫుటేజీ, ఇతర సాక్ష్యాధారాలను పరిశీలిస్తున్నారు.

ఇదీ చదవండి:CRIME: ప్రియుడితో కలిసి భర్తను కడతేర్చింది.. చివరికి..!