10:58 March 08
మహిళా దినోత్సవం రోజునే మహిళపై యాసిడ్ దాడి
అంతర్జాతీయ మహిళా దినోత్సవం రోజునే ఓ మహిళపై యాసిడ్ దాడి జరిగిన ఘటన మెదక్ జిల్లా అల్లాదుర్గం మండలం గడిపెద్దాపూర్లో చోటుచేసుకుంది. టేక్మాల్ మండలం అంతాయిపల్లి తండాకు చెందిన మహిళపై సోమవారం తెల్లవారుజామున గుర్తుతెలియని వ్యక్తి యాసిడ్తో దాడి చేశాడు. గమనించిన స్థానికులు బాధితురాలిని హైదరాబాద్ ఆస్పత్రికి తరలించారు.
ఘటనాస్థలికి చేరుకున్న పోలీసులు కేసు నమోదు చేసుకున్నారు. దాడి చేసిన వ్యక్తి గురించి స్థానికుల్ని ఆరా తీశారు. వీలైనంత త్వరలో ఘటనకు కారణమైన వారిని పట్టుకుంటామని తెలిపారు.
ఈ ఘటనపై మంత్రి సత్యవతి రాఠోడ్ స్పందించారు. బాధితురాలికి మెరుగైన వైద్యసేవలు అందించాలని ఆదేశించారు. కుటుంబ సభ్యులను కలిసి ధైర్యం చెప్పాలని అధికారులకు సూచించారు. విచారణ వేగంగా జరిపి దోషులను శిక్షిస్తామని మంత్రి పేర్కొన్నారు.
- ఇదీ చూడండి :కరోనా కష్టంలో.. కన్నీళ్లు తుడిచిన కరుణామయి!