అమెరికాలో జరిగిన ప్రమాదంలో కోదాడవాసి మృతి

అమెరికాలో బోటింగ్ చేస్తున్న క్రమంలో జరిగిన ప్రమాదంలో సూర్యాపేట జిల్లా చెందిన రవి కుమార్ అనే వ్యక్తి మృతి చెందాడు. వారాంతపు సెలవు కావడంతో స్నేహితులతో కలిసి సరదాగా గడుపుతున్న సమయంలో ఈ ఘటన జరిగింది.

అమెరికాలో సూర్యాపేట జిల్లా కోదాడ వాసి మృతిచెందారు. బోటింగ్‌ చేస్తున్న క్రమంలో జరిగిన ప్రమాదంలో సిరిపురపు రవికుమార్ ప్రాణాలు కోల్పోయారు. వారాంతపు సెలవు కావడంతో రవి స్నేహితులతో బోటింగ్‌కు వెళ్లిన సమయంలో ఈ ఘటన జరిగింది.

రవికుమార్ అమెరికాలోని ఓ ప్రైవేట్ ఇన్సూరెన్స్​ కంపెనీలో మూడేళ్ల నుంచి పనిచేస్తున్నారు. ఈ ప్రమాదం పట్ల రవి స్నేహితులు అతడి తల్లిదండ్రులకు సమాచారమిచ్చారు. రాష్ట్ర ప్రభుత్వం స్పందించి తమ కొడుకు మృతదేహాన్ని దేశానికి రప్పించాలని మృతుడి తండ్రి వేడుకున్నాడు.

ఇదీ చదవండి:SCHOOLS OPEN: జులై 1 నుంచి విద్యాసంస్థలు ప్రారంభించాలని నిర్ణయం