మేడిగడ్డ ప్రాజెక్టులో భారీగా పేరుకుపోయిన ఇసుక మేటలు

Sand problem in Medigadda project గత నెలలో రాష్ట్రంతో పాటు మహారాష్ట్రలో కురిసిన భారీ వర్షాలకు ఎగువ ప్రాంతాల నుంచి ఇసుక వచ్చి దిగువన ఉన్న మేడిగడ్డ బ్యారేజీకి చేరింది. ప్రస్తుతం వర్షాలు తగ్గుముఖం పట్టడంతో భారీగా పేరుకుపోయిన ఇసుక మీటలు బయట పడుతున్నాయి. ఈ బ్యారేజీలో ఎంత ఇసుక ఉంది అనేది అధికారుల అధ్యాయనంలో తేలనుంది.

Sand problem in Medigadda project:గత నెలలో రాష్ట్రంతో పాటు మహారాష్ట్రలోని ఎగువ ప్రాంతాల్లో భారీ వర్షాలు పడటంతో పాటు.. ఉపనదుల వెంట భారీగా వరద నీరు వచ్చి చేరటం వల్ల మేడిగడ్డ దగ్గర గోదావరి ఉధృతంగా ప్రవహించింది. వరద నీరు భారీగా వచ్చి చేరుతుండటం వల్ల కాళేశ్వరం ప్రాజెక్టు జలసిరితో కళకళలాడింది. కానీ ఇప్పుడు అదే ప్రధాన సమస్యను తెచ్చిపెట్టింది.

ఎగువ నుంచి వరద రావడం వల్ల వరదతో పాటు ఇసుక పెద్ద ఎత్తున వచ్చి కాళేశ్వరంలో భాగంగా నిర్మించిన మేడిగడ్డ బ్యారేజీలో వచ్చి చేరింది. ఈ బ్యారేజీకి ఇసుక మేట సమస్యగా మారింది. దీంతో ఎగువ ప్రాంతాల నుంచి వరదతో పాటు వచ్చి ఇసుక దిగువన ఉన్న ఈ బ్యారేజీ ప్రాంతాల్లో భారీగా పేరుకుపోయింది. ఎటుచూసిన ఇసుక తిన్నెలతో బ్యారేజీ మెుత్తం రాష్ట్రానికి కొంత మేర ఇసుక సమస్యను తీర్చేదిగా ఉంది. కానీ గేట్లులో ఇసుక పేరుకుపోయి నీరు ప్రవహించకుండా ఇసుక దిబ్బలతో మారాయి.

రాష్ట్రంలో వర్షాలు తగ్గినప్పటికీ ప్రాణహిత వరద నిలకడగా ఉంది. రెండు రోజులుగా మేడిగడ్డ బ్యారేజీకి వరద ప్రవాహం తగ్గుతుండడంతో పలు చోట్లు ఇసుక మేటలు బయటపడుతున్నాయి. మేడిగడ్డ బ్యారేజీలో 85 గేట్లు ఉండగా ఇందులో 82, 83, 84 గేట్ల ప్రాంతంలో భారీగా ఇసుక మేట తేలింది. సుమారుగా 3 నుంచి 4 మీటర్ల మేర ఎత్తులో ఇసుక మేటలు ఉన్నట్లు తెలుస్తోంది.

మరింత ప్రవాహం తగ్గితే పలు చోట్లు భారీగానే ఇసుక మేటలు బయటపడే అవకాశం ఉంది. మేడిగడ్డ బ్యారేజీ ఎగువ, దిగువ ప్రాంతంలో ఇసుక మేట సమస్య నెలకుంది. ఇసుకను తొలగించడంపై తెలంగాణ ఖనిజాభి వృద్ధి సంస్థకు నీటిపారుదలశాఖ అధికారులు లేఖ రాసినట్లు తెలిసింది. అక్కడ ఉన్న ఇసుక ఎంత అన్నది, అధ్యయనం చేసిన తర్వాతనే దీనిపై ఓ నిర్ణయం తీసుకోనున్నారు.

ఇవీ చదవండి: