మేడారం ఎఫెక్ట్: అమాంతం పెరిగిన 'బంగారం' ధర
ములుగు జిల్లా మేడారంలో రెండేళ్లకోసారి జరిగే సమ్మక్క సారలమ్మ జాతర ఎంతో ప్రాశస్యమైనది. కోట్లాది మంది భక్తుల కోరికలు తీర్చే ఈ వనదేవతలకు చిన్న బంగారం ముక్కే ప్రసాదం. సమ్మక్క సారలమ్మకు బంగారం(బెల్లం) సమర్పించుకుని భక్తులు తమ మొక్కులు తీర్చుకుంటారు.
గిరిజన సంప్రదాయం ప్రకారం జరిగే జాతర కాబట్టి ఇక్కడ అమ్మవార్లకి మద్యం, మాంసం, బెల్లం సమర్పించడం ఆనవాయితీగా వస్తోంది. ఇదే అదునుగా భావించిన వ్యాపారస్థులు మద్యం, కొబ్బరికాయలు, కోళ్లు, మేకలు, బెల్లం ధరలను అమాంతం పెంచేశారు. తెలంగాణ నుంచే కాకుండా ఆంధ్రప్రదేశ్, ఛత్తీస్గడ్ మహారాష్ట్రల నుంచీ లక్షలాది మంది భక్తులు ఇక్కడి వచ్చి అమ్మవార్లను దర్శించుకుని తరించిపోతారు.