నీటి కోసం కలెక్టరేట్​ ఎదుట విద్యార్థుల ధర్నా

నీటి సమస్య తీర్చాలంటూ నిజామాబాద్​ నాందేవ్​వాడలోని గిరిజన సంక్షేమ వసతిగృహం విద్యార్థులు కలెక్టరేట్​ ఎదుట ఆందోళన చేపట్టారు.

నిజామాబాద్ నగరంలోని నాందేవ్​వాడలోని గిరిజన సంక్షేమ వసతిగృహం విద్యార్థులు కలెక్టరేట్​ ఎదుట ధర్నా నిర్వహించారు. మున్సిపాలిటీ సరఫరా చేసే నీరు మురికిగా ఉండటం వల్ల అనారోగ్యానికి గురవుతున్నామని ఆవేదన వ్యక్తం చేశారు. కనీసం తాగునీరు కూడా రావడం లేదని జిల్లా గిరిజన సంక్షేమ అధికారి సంధ్యారాణికి ఫిర్యాదు చేశారు. మున్సిపల్​ కమిషనర్​తో మాట్లాడి సమస్య తీరుస్తానని ఆమె హామీ ఇచ్చారు. హాస్టల్​ పరిసరాల్లో భూగర్భజలాలు అడుగంటిపోవటం వల్లనే నీటి సమస్య తలెత్తిందన్నారు.