టాప్​టెన్​ న్యూస్​@7PM

ఇప్పటి వరకు ఉన్న ప్రధాన వార్తలు

• కొవిడ్ అంతం కావాలి..

హైదరాబాద్ రాజ్​భవన్​లో జరిగిన... ప్లవ నామ సంవత్సర ఉగాది వేడుకల్లో తమిళిసై దంపతులు పాల్గొన్నారు. గవర్నర్ దంపతులను పురోహితులు వేదమంత్రాలతో ఆశీర్వదించారు. తెలంగాణ ప్రజలకు, ప్రపంచ వ్యాప్తంగా నివసిస్తున్న తెలుగు ప్రజలందరికీ గవర్నర్​ ఉగాది శుభాకాంక్షలు తెలిపారు. న్యూట్రిషనల్ ఇంటర్వెన్షన్ కార్యక్రమాన్ని తమిళిసై ప్రారంభించారు. పూర్తి వివరాల కోసం క్లిక్​ చేయండి.

• సీఎం సభ ఆపాలంటూ హౌస్​ మోషన్​..

కరోనా విజృంభిస్తున్న వేళ నాగార్జునసాగర్ అనుముల​లో సీఎం కేసీఆర్​ తలపెట్టిన సభను ఆపాలంటూ కొందరు రైతులు హైకోర్టులో హౌస్​ మోషన్​ పిటిషన్​ వేశారు. ఈ పిటిషన్​పై అత్యవసర విచారణ చేపట్టేందుకు హైకోర్టు నిరాకరించింది. పూర్తి వివరాల కోసం క్లిక్​ చేయండి.

• సాయమందించిన ఎమ్మెల్సీ కవిత..

ఎమ్మెల్సీ కవిత మరోసారి మానవత్వాన్ని చాటుకున్నారు. వివిధ కారణాలతో దివ్యాంగులుగా మారిన పలువురికి మూడు చక్రాల స్కూటీలను‌ అందించి వారికి చేయూతనిచ్చారు. పూర్తి వివరాల కోసం క్లిక్​ చేయండి.

• ఉత్తమ్‌ కుమార్ ఫిర్యాదు‌..

కొవిడ్ నిబంధనలకు విరుద్ధంగా లక్షమందితో సీఎం కేసీఆర్ హాలియాలో సమావేశం నిర్వహిస్తున్నారని సీఈసీకి టీపీసీసీ అధ్యక్షుడు ఉత్తమ్​ కుమార్​ రెడ్డి సీ​ఈసీకి ఫిర్యాదు చేశారు. కేంద్ర ఎన్నికల కమిషనర్ రాజీవ్ కుమార్​తో జరిగిన దృశ్యమాధ్యమ సమీక్షలో సూర్యాపేట జిల్లా కోదడ నుంచి ఆయన పాల్గొన్నారు. పూర్తి వివరాల కోసం క్లిక్​ చేయండి.

• తిట్ల సంస్కారం తీసుకొచ్చిందే కేసీఆర్..

సీఎంను తిడితే కేసులు పెడతామని హెచ్చరిస్తోన్న మంత్రి కేటీఆర్‌.. అసలు తిట్ల సంస్కారం తీసుకొచ్చిందే కేసీఆర్​ అన్న విషయం మరచిపోతున్నారని సీఎల్పీ నేత భట్టి విక్రమార్క గుర్తు చేశారు. మరోవైపు తెరాస వ్యతిరేక ఓట్లు కాంగ్రెస్​కు దక్కనివ్వకుండా.. భాజపా, అధికార పార్టీతో కలిసి నాటకం ఆడుతోందని భట్టి దుయ్యబట్టారు. పూర్తి వివరాల కోసం క్లిక్​ చేయండి.

• బాధ్యతలు స్వీకరించిన సుశీల్​..

24వ భారత ప్రధాన ఎన్నికల కమిషనర్‌(సీఈసీ)గా సుశీల్​ చంద్ర బాధ్యతలు స్వీకరించారు. మాజీ సీఈసీ సునీల్​ అరోడా పదవీ కాలం ఈ నెల 12న ముగిసింది. దీంతో రాష్ట్రపతి ఆదేశానుసారం ఆ తరువాత సీనియర్​ అయిన సుశీల్​ చంద్రను నియమిస్తూ కేంద్ర న్యాయశాఖ ఉత్తర్వులు జారీ చేసింది. పూర్తి వివరాల కోసం క్లిక్​ చేయండి.

• నక్సల్​బరిపై భాజపా జెండా!

దేశ చరిత్రలో బంగాల్​ నక్సల్​బరికి ఓ ప్రత్యేక స్థానం ఉంది. నాటి ఉద్యమంతో దేశవ్యాప్తంగా సంచలనం సృష్టించింది నక్సల్​బరి. ఆ తర్వాత ఆ ప్రాంతం నక్సల్స్​ చేతిలోకి వెళ్లింది. ఆ తర్వాత రాజకీయంగా.. వామపక్షాలు ఆధిపత్యం చెలాయించారు. కానీ ఇప్పుడు పరిస్థితులు ఒక్కసారిగా మారిపోయాయి. పూర్తి వివరాల కోసం క్లిక్​ చేయండి.

• లోయలో పడ్డ కారు- ఐదుగురు దుర్మరణం..

హిమాచల్​ ప్రదేశ్​లో ఘోర రోడ్డు ప్రమాదం జరిగింది. కారు లోయలో పడి ఒకే కుటుంబానికి చెందిన నలుగురు సహా డ్రైవర్ ప్రాణాలు కోల్పోయారు. పూర్తి వివరాల కోసం క్లిక్​ చేయండి.

• టెస్టుకు సిద్ధమైన టీమ్​ఇండియా..

భారత్ మహిళల ఇంగ్లాండ్​ పర్యటన తేదీలు ఖరారయ్యాయి. ఇందులో భాగంగా టెస్టు, తలో మూడు వన్డేలు, టీ20లు ఆడనున్నాయి ఇరుజట్లు. పూర్తి వివరాల కోసం క్లిక్​ చేయండి.

• 'ఇష్క్'​ విడుదల తేదీ ఖరారు..

తేజ సజ్జా, ప్రియా ప్రకాశ్​ వారియర్​ జంటగా నటించిన 'ఇష్క్' సినిమా విడుదల తేదీ ఖరారైంది. ఏప్రిల్​ 23న ప్రేక్షకుల ముందుకు రానున్నట్లు ప్రకటించింది చిత్రబృందం. పూర్తి వివరాల కోసం క్లిక్​ చేయండి.