తెలంగాణ

telangana

ETV Bharat / city

Telangana Top News: 3PM టాప్న్యూస్ - ఇప్పటి వరకు ఉన్న ప్రధాన వార్తలు

ఇప్పటి వరకు ఉన్న ప్రధాన వార్తలు

3PM TOPNEWS

3PM TOPNEWS

By

Published : Aug 11, 2022, 2:58 PM IST

అలా ప్రచారం చేయడానికి వీల్లేదు.. భాజపాకు షాకిచ్చిన ఈసీ

సీఎం కేసీఆర్‌కు వ్యతిరేకంగా భాజపా చేపట్టిన ప్రచారాన్ని నిలిపివేయాలని కేంద్ర ఎన్నికల సంఘం భాజపాను ఆదేశించింది. 'సాలు దొర‌- సెలవు దొర' ప్రచారంపై ఈసీ అభ్యంతరం వ్యక్తం చేసింది. సీఎం బొమ్మతో భాజపా పోస్టర్లు ముద్రించేందుకు అనుమతి నిరాకరిస్తున్నట్లు తెలిపింది.

వైఎస్ విజయమ్మకు తప్పిన ప్రమాదం.. హైదరాబాద్ వస్తుండగా ఘటన

రాష్ట్ర ముఖ్యమంత్రి వైయస్ జగన్మోహన్ రెడ్డి తల్లి వైయస్ విజయమ్మకు పెను ప్రమాదం తప్పింది. అనంతపురం నుంచి హైదరాబాద్కు వస్తుండగా ఈ ప్రమాదం జరిగింది.

మరో 8 లక్షల టన్నుల ఉప్పుడు బియ్యం సేకరణకు కేంద్రం అనుమతి

రాష్ట్రంలో మరో 8 లక్షల టన్నుల ఉప్పుడు బియ్యం సేకరణకు కేంద్రం అనుమతి తెలిపింది. ఈ మేరకు రాష్ట్ర పౌరసరఫరాలశాఖకు సమాచారం పంపిది. 2021-22 యాసంగిలో పండించిన 8 లక్షల టన్నుల బియ్యం సేకరణకు ఆమోదం తెలిపింది. బియ్యాన్ని గతంలోని 6.05 లక్షల టన్నులకు అదనంగా సేకరించాలని నిర్ణయించింది.

పాక్ యువతిని హైదరాబాద్ తీసుకొచ్చేందుకు హైదరాబాదీ సాహసం..

పాకిస్థాన్‌ యువతిని హైదరాబాద్ తీసుకొచ్చేందుకు ప్రయత్నించిన కేసులో బిహార్ పోలీసులు అరెస్ట్ చేసిన మహమూద్ వివరాలను హైదరాబాద్ పోలీసులు సేకరిస్తున్నారు. బిహార్ పోలీసులను సంప్రదించడంతో పాటు.. ఇంటిలిజెన్స్ బ్యూరో అధికారులతోనూ వివరాలు ఆరా తీస్తున్నారు.

ప్రకాశం బ్యారేజీకి వరద ఉద్ధృతి

కృష్ణా నదీలో వరద ప్రవాహం క్రమంగా పెరుగుతోంది. దీంతో.. ఏపీలోని ప్రకాశం బ్యారేజీకి వరద పోటెత్తుతోంది. ఫలితంగా.. అధికారులు గేట్లు ఎత్తి నీటిని సముద్రంలోకి విడుదల చేస్తున్నారు. తీర ప్రాంత ప్రజలను అప్రమత్తం చేశారు.

వరదల్లో కొట్టుకుపోయిన ATM- రూ.24లక్షలు గంగార్పణం!

ఉత్తరాఖండ్లో వరదల కారణంగా భారీ ఆస్తి నష్టం జరిగింది. ఉత్తర కాశీ జిల్లాలో ఎడతెరిపి లేకుండా కురుస్తున్న వర్షాల కారణంగా కుమోలో నది ఉప్పొంగి ప్రవహిస్తోంది. ఫలితంగా పురోలాలో నది ఒడ్డున ఉన్న 8 దుకాణాలు నీటిలో కొట్టుకుపోయాయి. వీటిలో ఒకదానిలో పంజాబ్ నేషనల్ బ్యాంక్ ఏటీఎం కూడా ఉంది.

14వ ఉపరాష్ట్రపతిగా ప్రమాణం చేసిన ధన్ఖడ్

భారత 14వ ఉపరాష్ట్రపతిగా ప్రమాణం చేశారు జగదీప్ ధన్ఖడ్. రాష్ట్రపతి ద్రౌపదీ ముర్ము.. ధన్ఖడ్తో ప్రమాణం చేయించారు. ఈ కార్యక్రమానికి ప్రధానమంత్రి నరేంద్ర మోదీ, మాజీ రాష్ట్రపతి రామ్నాథ్ కోవింద్, మాజీ ఉపరాష్ట్రపతి వెంకయ్యనాయుడు, లోక్సభ స్పీకర్ సహా పలువురు కేంద్ర మంత్రులు హాజరయ్యారు.

ఆంగ్లేయుల నయవంచనకు మౌన సాక్ష్యం 'ఇండియా గేట్'

అమర జవాన్ల జ్యోతుల విలీనంతో ప్రస్తుతం వార్తల్లోకి వచ్చిన దిల్లీలోని ఇండియా గేట్‌కు ఓ అంతర్జాతీయ నేపథ్యముంది. అంతేకాదు ఆంగ్లేయులు మనకు మాటిచ్చి చేసిన మోసానికీ.. అమాయక భారతీయ సిపాయిలకు చేసిన వంచనకు ఇదో మౌన సాక్ష్యం.

'అలా గెలవడం కంటే ఓడిపోవడమే మేలు'.. రిషి కీలక వ్యాఖ్యలు

బ్రిటన్ ప్రధానమంత్రి పదవి కోసం పోటీ పడుతున్న రిషి సునాక్ కీలక వ్యాఖ్యలు చేశారు. ఆర్థిక సంక్షోభాన్ని ఎదుర్కొనేందుకు చేసే తప్పుడు వాగ్దానాలతో విజయం సాధించడం కంటే ఓడిపోవడం మేలని రిషి అభిప్రాయపడ్డారు.

ఖర్చులు తగ్గించుకోవాలా? '30 డేస్ రూల్' ట్రై చేయండి!

నెల‌కు రూ.50 వేల నుంచి రూ.70 వేలు సంపాదించే వారికి అదనంగా రూ. 1000 - రూ.1500 ఖ‌ర్చు చేయ‌డం పెద్ద‌గా అనిపించ‌దు. కానీ, ఇలాంటి చిన్న చిన్న కొనుగోళ్లు మీకు తెలియ‌కుండానే ఖర్చుల‌ను పెంచేస్తాయి. అటువంటి కొనుగోళ్లను నివారించేందుకు ఒక చ‌క్క‌టి పరిష్కారం 30-రోజుల నియమం.

For All Latest Updates

TAGGED:

Telangana Top News

3PM టాప్న్యూస్

ఇప్పటి వరకు ఉన్న ప్రధాన వార్తలు

telangana newstoday

ABOUT THE AUTHOR

...view details