CJI Justice NV Ramana About IAMC : హైదరాబాద్‌లో ఇప్పటికే అంతర్జాతీయ మధ్యవర్తిత్వ కేంద్రం సాగుతోందని సుప్రీం కోర్టు ప్రధాన న్యాయమూర్తి, ఐఏఎంసీ ట్రస్ట్‌ రూపకర్త జస్టిస్ ఎన్వీ రమణ అన్నారు. దీనివల్ల నగరానికి మరింత పేరు వస్తుందని తెలిపారు. హైటెక్స్‌లోని ఐకియా వెనుక ప్రాంతంలో అంతర్జాతీయ ఆర్బిట్రేషన్ మీడియేషన్ సెంటర్ శాశ్వత భవన నిర్మాణానికి శంకుస్థాపన చేశారు. సింగపూర్ మాదిరి హైదరాబాద్ కేంద్రం ప్రపంచ ఖ్యాతి సంపాదించాలని ఆకాంక్షించారు.
"ఐఏఎంసీ ప్రతిపాదనను సీఎం కేసీఆర్‌కు చెప్పగానే వెంటనే ఒప్పుకున్నారు. అంతే త్వరగా దానికోసం ఓ తాత్కాలిక కేంద్రాన్ని కూడా ఏర్పాటు చేశారు. ఇప్పుడు ఈ సెంటర్ కోసం నగరంలో అత్యంత ఖరీదైన గచ్చిబౌలిలో భూమిని కేటాయించారు. మధ్యవర్తిత్వం వల్ల చాలా సమస్యలు పరిష్కారమవుతాయని నాతోపాటు కేసీఆర్‌ కూడా నమ్ముతారు. ఇవాళ ఈ భవన నిర్మాణానికి భూమిపూజ చేయడం ఎంతో సంతోషంగా ఉంది. వచ్చే ఏడాది ఈ సమయానికి భవన నిర్మాణం పూర్తి అవుతుందని అనుకుంటున్నాను. దీనికోసం రూ.50 కోట్లు కేటాయించారు."