ప్రభుత్వం ఆస్తి యజమానికి చెందిన మొత్తం 11 అంశాలతో పాసుపుస్తకాలను సిద్ధం చేస్తోంది. ముదురు ఎరుపు (మెరూన్‌) రంగుతో కూడిన ఈ పుస్తకాల్లో.. ఆస్తి యజమాని పేరు, చిత్రం, సంతకం, ఫోన్‌ నంబర్‌, కులం, ఆస్తి సంక్రమించిన వివరాలు, ప్లాట్‌ పరిమాణం, సర్వే నంబర్‌ తదితర సమాచారాన్ని పొందుపరుస్తోంది.
రెండు పేజీల్లో బార్‌కోడ్‌, హోలోగ్రాంతోపాటు వివరాలు చేర్చనుంది. ఆస్తుల నమోదు ప్రక్రియ పూర్తయ్యాక ధరణి పోర్టల్‌ద్వారా ఈ పుస్తకాలు అందించడానికి ప్రభుత్వం ఏర్పాట్లు చేస్తోంది. యజమాని కలిగిఉండే ప్రతి ఆస్తికీ ఒక పాసుపుస్తకం ఇవ్వాలని అధికారులు భావిస్తున్నారు. ఒక వ్యక్తికి ఎన్ని ఆస్తులుంటే అన్ని ఆస్తులకు పాసుపుస్తకాలు ఇవ్వనున్నారు. వ్యక్తుల ఆస్తులకు సంబంధించిన పూర్తి సమాచారాన్ని ‘ధరణి’లో నమోదు చేస్తారు.