ఆయిల్ ట్యాంకర్ బోల్తా.. ఎగబడిన జనాలు.. OIL TANKER: ఏపీలోని పల్నాడు జిల్లా నకరికల్లు మండలం చల్లగుండ్ల వద్ద నార్కట్ పల్లి - అద్దంకి హైవేపై ప్రమాదం చోటుచేసుకుంది. చెన్నై నుంచి హైదరాబాద్ వెళ్తున్న మంచి నూనె ట్యాంకర్ అదుపు తప్పి ప్రధాన రహదారిపై బోల్తా పడింది. ట్యాంకర్లో ఉన్న మంచి నూనె రోడ్డు పక్కనున్న గుంతలో పడి నిల్వ ఉండిపోయింది.
విషయం తెలుసుకున్న సమీప గ్రామాల ప్రజలు.. నూనె తీసుకు వెళ్లేందుకు భారీ సంఖ్యలో క్యాన్లు తీసుకుని వచ్చారు. నకరికల్లు పోలీసులు ఘటనాస్థలానికి చేరుకుని స్థానికులను అదుపు చేసేందుకు ప్రయత్నించారు. అయినప్పటికీ ప్రజలు వినకపోవడంతో చేసేదేమిలేక వదిలేశారు. దీనితో రహదారిపై భారీ సంఖ్యలో ట్రాఫిక్ నిలిచిపోయింది. వాహనదారులు ఇబ్బందులు ఎదుర్కొన్నారు.
ఇవీ చదవండి:
