సచివాలయాన్ని కొవిడ్​ ఆస్పత్రిగా మార్చండి: నాగం

సచివాలయాన్ని కూల్చకుండా కరోనా ఆస్పత్రిగా మార్చాలని మాజీ మంత్రి నాగం జనార్దన్​రెడ్డి ప్రభుత్వాన్ని కోరారు. భవిష్యత్​ను దృష్టిలో పెట్టుకొని చర్యలు తీసుకోవాలని సూచించారు.

ప్రస్తుత సచివాలయాన్ని కూల్చకుండా కొవిడ్​ ఆస్పత్రిగా మార్చాలని కాంగ్రెస్​ నేత, మాజీ మంత్రి నాగం జనార్దన్​రెడ్డి ప్రభుత్వాన్ని కోరారు. అలా చేస్తే తెలంగాణ ప్రజలకు మేలు చేసిన వారవుతారన్నారు. రోజురోజుకు కరోనా ఉద్ధృతి పెరుగుతోందని.. భవిష్యత్​ను దృష్టిలో పెట్టుకొని చర్యలు తీసుకోవాలని కోరారు. నగరంలో కరోనా కేసులు పెరుగుతున్న నేపథ్యంలో సచివాలయాన్ని ఆస్పత్రిగా మార్చి సౌకర్యాలు కల్పించాలని విన్నవించారు. నగరానికి మధ్యలో సెక్రటేరియేట్​ ఉన్నందున అన్ని ప్రభుత్వ ఆస్పత్రులకు అందుబాటులో ఉంటుందన్నారు.

ఇవీచూడండి:ముహూర్తం కుదిరింది: కొత్త సచివాలయ నమూనా ఎంపిక నేడే..