'రాబోయే రెండేళ్లకు ఎంపీ ల్యాడ్స్​ నిధుల కోతపై పునరాలోచించండి'

పార్లమెంట్​ సభ్యుల జీతభత్యాల సవరణ బిల్లుకు ఏకగ్రీవంగా మద్దతివ్వాలని తాము నిర్ణయించుకున్నట్లు నామ నాగేశ్వరరావు తెలిపారు. కరోనా సమయంలో తమ జీతం పేదల ఆకలి తీర్చటానికి ఉపయోగించడాన్ని స్వాగతిస్తున్నట్లు లోక్​సభలో వివరించారు.

పార్లమెంట్​ సభ్యుల జీతభత్యాల సవరణ బిల్లుకు తెరాస లోక్​సభా పక్షనేత నామ నాగేశ్వరరావు మద్దతిచ్చారు. జీవితంలో ఎన్నడూ చూడని విపత్కర పరిస్థితులను కరోనా వేళ దేశ ప్రజలు ఎదుర్కొన్నారని నామ తెలిపారు. ఇటువంటి సమయంలో తమ జీతంలో 30 శాతం కోత విధించటంపై అభ్యంతరమేమి లేదన్న ఎంపీ... ఆ మొత్తాన్ని పేదలకు ఖర్చు చేయాలని సూచించారు.

కరోనా నేపథ్యంలో ఎంపీ ల్యాడ్స్​ మొత్తాన్ని ఆసుపత్రుల అభివృద్ధికి ఖర్చు చేయాలని లోక్​సభ సభ్యులంతా కలిసి నిర్ణయించుకున్నట్లు నామ తెలిపారు. కేంద్రం ఈ విషయాన్ని పరిగణలోకి తీసుకుని రాబోయే రెండేళ్లకు ఎంపీ నిధుల కోత విధించటంపై పునరాలోచించాలని కోరారు.

ఇదీ చూడండి: ఎయిర్​క్రాఫ్ట్ సవరణ బిల్లుకు పార్లమెంటు ఆమోదం