'నీళ్లు, నిధులు, నియామకాల్లో రాష్ట్ర ప్రభుత్వం విఫలం'

నీళ్లు, నిధులు, నియామకాల విషయంలో రాష్ట్ర ప్రభుత్వం పూర్తిగా విఫలమైందని ఎమ్మెల్సీ జీవన్​రెడ్డి ఆరోపించారు. కేంద్రం ఆదేశాలు కాదని ప్రాజెక్టులు కడితే.. రాష్ట్రం నష్టపోతుందని వివరించారు. మిగులు బడ్జెట్‌లో ఉన్న రాష్ట్రం ఇప్పుడు 3 లక్షల కోట్ల అప్పుల ఊబిలోకి వెళ్లిందని జీవన్​రెడ్డి ఆందోళన వ్యక్తం చేశారు.

కేంద్రం ఆదేశాలు కాదని ప్రాజెక్టులు కట్టడం వల్ల రాష్ట్రం నష్టపోతుందని ఎమ్మెల్సీ జీవన్‌ రెడ్డి ఆందోళన వ్యక్తం చేశారు. కృష్ణానదిపై ఉన్న అన్ని ప్రాజెక్టులు ప్రశ్నార్థకం కాబోతున్నాయన్న జీవన్​రెడ్డి... ఏపీలో నిర్మిస్తున్నవి అక్రమ ప్రాజెక్టులంటున్నప్పుడు ఎందుకు ఆపడం లేదని ప్రశ్నించారు. రాష్ట్ర విభజన బిల్లుకు భిన్నంగా ఎవరు ఏ ప్రాజెక్టు కట్టినా... అవి అక్రమ ప్రాజెక్టులుగా గుర్తిస్తామని కేంద్ర మంత్రి చెప్పిన విషయాన్ని గుర్తుచేశారు. తెలంగాణ ఏర్పడిందే... నీళ్లు, నిధులు, నియామకాల కోసమన్న ఆయన... ఆ మూడింటిలో రాష్ట్ర ప్రభుత్వం వైఫల్యం చెందిందని దుయ్యబట్టారు.

మిగులు బడ్జెట్‌లో ఉన్న రాష్ట్రం ఇప్పుడు 3 లక్షల కోట్ల అప్పుల ఊబిలోకి వెళ్లిందని జీవన్​రెడ్డి ఆందోళన వ్యక్తం చేశారు. పోతిరెడ్డిపాడు ద్వారా ఏపీ ప్రభుత్వం కృష్ణా జలాలు తరలిస్తుంటే... రాష్ట్ర ప్రభుత్వం పట్టించుకోవడం లేదన్నారు. కృష్ణా జలాల విషయంలో తెలంగాణ హక్కులకు ఏపీ భంగం కలిగిస్తుంటే కేసీఆర్ ఎందుకు మాట్లాడట్లేదని ప్రశ్నించారు.

ఇదీ చూడండి: కేటీఆర్​ ముఖ్యమంత్రి అయితే తప్పేంటి: తలసాని