కేసీఆర్ మాట ఇస్తే తప్పకుండా నెరవేరుస్తారు: తలసాని

పేదలపై భారం పడొద్దనే రాష్ట్ర ప్రభుత్వం ఉచితంగా తాగునీరు సరఫరా చేస్తోందని మంత్రి తలసాని శ్రీనివాస్​ యాదవ్​ తెలిపారు. అన్ని కులాలు ఎదిగేందుకు సర్కారు కృషి చేస్తోందన్నారు.

కేసీఆర్ మాట ఇస్తే తప్పకుండా నెరవేరుస్తారని పశుసంవర్ధక శాఖ మంత్రి తలసాని శ్రీనివాస్​ యాదవ్​ అన్నారు. పేదలపై భారం పడొద్దనే ఉద్దేశంతో రాష్ట్ర సర్కారు ఉచితంగా తాగునీరు సరఫరా చేస్తోందని ఆయన వెల్లడించారు. గ్రేటర్ హైదరాబాద్‌లో ఉచిత తాగునీటి పథకాన్ని రహమత్​నగర్​లో మంత్రి కేటీఆర్​ లాంఛనంగా ప్రారంభించగా... ఈ కార్యక్రమంలో మంత్రులు తలసాని, మల్లారెడ్డి, మహమూద్​ అలీలు పాల్గొన్నారు.

హామీలు ఇచ్చింది, అమలు చేసింది కేసీఆర్ ప్రభుత్వమేనని మంత్రి తలసాని స్పష్టం చేశారు. ప్రతిపక్షాలకు ధైర్యం ఉంటే అభివృద్ధి చేసి చూపాలని సవాల్​ విసిరారు. అన్ని కులాలు ఆర్థికంగా ఎదిగేందుకు ప్రభుత్వం కృషి చేస్తోందని మంత్రి చెప్పారు.

ఇదీ చదవండి: గ్రేటర్​లో ఉచిత తాగునీటి పథకాన్ని ప్రారంభించిన కేటీఆర్​