'అభివృద్ధిలో తెలంగాణ దేశానికే ఆదర్శం'

సీఎం కేసీఆర్ పాలనలో రాష్ట్రం అభివృద్ధి పథంలో నడుస్తోందని మంత్రి హరీశ్​ రావు స్పష్టం చేశారు. సంగారెడ్డి జిల్లా పటాన్‌చెరు నియోజకవర్గం పరిధిలో పలు అభివృద్ధి పనులను మంత్రి హరీశ్‌రావు ప్రారంభించారు.

అభివృద్ధిలో తెలంగాణ దేశానికే ఆదర్శంగా నిలిచిందని ఆర్థిక శాఖ మంత్రి హరీశ్​ రావు అన్నారు. మన పథకాలను కేంద్రం కాపీకొడుతోందని తెలిపారు. అర్హులందరికి రెండు పడక గదుల ఇళ్లను నిర్మిస్తామని హామీ ఇచ్చారు. సంగారెడ్డి జిల్లా పటాన్‌చెరు నియోజకవర్గం పరిధిలో పలు అభివృద్ధి పనులకు మంత్రి హరీశ్‌రావు, ఎంపీ కొత్త ప్రభాకర్​ రెడ్డి శ్రీకారం చుట్టారు.

బీరంగూడ నుంచి కిష్టారెడ్డిపేట వరకు కొత్త రోడ్డు నిర్మాణానికి శంకుస్థాపన చేశారు. బీరంగూడ నుంచి కిష్టారెడ్డిపేట వరకు రూ.49కోట్లతో దీనిని చేపట్టనున్నారు. అనంతరం 30లక్షల లీటర్ల సామర్థ్యంగల మిషన్ భగీరథ జలాశయం ప్రారంభించారు.