సీఎం సహాయనిధికి వెల్లువెత్తుతున్న విరాళాలు

కరోనా కట్టడికి ప్రభుత్వానికి మద్ధతుగా ముఖ్యమంత్రి సహాయనిధికి దాతల విరాళాలు కొనసాగుతున్నాయి. మంత్రి కేటీఆర్ కార్యాలయంలో పలువురు ముఖ్యమంత్రి సహాయనిధికి విరాళాలు అందించారు.

మంత్రి కేటీఆర్​ కార్యాలయంలో పలువురు వ్యాపారవేత్తలు, పారిశ్రామిక వేత్తలు ముఖ్యమంత్రి సహాయ నిధికి భారీగా విరాళాలు అందించారు. డీమార్ట్​కి చెందిన రాధా కిషన్ ధమని తన బ్రైట్ స్టార్ ఇన్వెస్ట్​మెంట్ ద్వారా రూ.5కోట్ల విరాళం ముఖ్యమంత్రి సహాయనిధికి అందించారు. బల్క్ డ్రగ్ మానుఫాక్చరర్స్ అసోసియేషన్ ఆఫ్ ఇండియా తరఫున ఆ సంస్థ జాతీయ అధ్యక్షులు రూ. 35 లక్షల రూపాయల చెక్కును మంత్రి కేటీఆర్​కు అందించారు. సైబర్ హోమ్స్ రూ.50 లక్షల రూపాయలను మంత్రి కేటీఆర్ ద్వారా ముఖ్యమంత్రి సహాయనిధి అందించారు. ఎన్​ఎస్​ఆర్ ఎస్టేట్స్ రూ.10 లక్షల రూపాయలు, శ్రీ మారుతీ సుందర్ అసోసియేట్స్, వెస్ట్​రాక్ వెంచర్స్, మాధవ రెడ్డి విజ్జలి, ప్రియాశర్మ సాఫ్ట్వేర్ ప్రైవేట్ లిమిటెడ్ కంపెనీలు సైతం రూ. 5 లక్షలను ముఖ్యమంత్రి సహాయ నిధికి అందించారు.

ఇవీచూడండి:తొమ్మిదో తరగతి విద్యార్థి ప్రతిభ.. 9 వేలతో బ్యాటరీ సైకిల్