జీహెచ్‌ఎంసీ ఎన్నికల షెడ్యూల్ వచ్చినందున అందరు అప్రమత్తంగా ఉండాలని హైదరాబాద్ నగర పోలీసు కమిషనర్ అంజనీకుమార్ అధికారులకు సూచించారు. ప్రచారం, పోలింగ్, కౌంటింగ్ సమయంలో పోలీసులది ప్రధాన పాత్ర ఉంటుందని సీపీ అన్నారు.
ఖైరతాబాద్‌లోని విశ్వేశ్వరయ్య భవన్‌లో నగర కమిషనరేట్ పరిధిలోని పోలీసు సిబ్బందితో సీపీ సమీక్ష నిర్వహించారు. ఎన్నికల సమయంలో హైదరాబాద్ నగర పోలీసులకు చాలా మంచి అనుభవం ఉందన్నారు. గత ఎన్నికల్లో బాగా పనిచేశారంటూ ఎన్నికల కమిషన్ అభినందించిందని గుర్తుచేశారు.