జీడిమెట్ల ఫాక్స్​సాగర్​ చెరువు పరిశీలన

భారీ వర్షాలతో పూర్తిగా నిండిపోయిన జీడిమెట్ల ఫాక్స్​సాగర్​ చెరువును స్థానిక ఎమ్మెల్యే వివేక్, ఎమ్మెల్సీ శంభీపూర్ రాజు, సైబరాబాద్​ సీపీ సజ్జనార్ పరిశీలించారు. గతంలో మూసిన తూమును తెరిచేందుకు నాగార్జునసాగర్​, శ్రీశైలం డ్యామ్​ నిపుణుల బృందాన్ని పిలిచారు.

భారీ వర్షాలతో పూర్తిగా నిండిన జీడిమెట్ల ఫాక్స్​సాగర్​ చెరువును స్థానిక ఎమ్మెల్యే వివేక్, ఎమ్మెల్సీ శంభీపూర్​ రాజుతో కలిసి.. సైబరాబాద్​ సీపీ సజ్జనార్ పరిశీలించారు. 37 అడుగుల చెరువు పూర్తి నీటిమట్టానికి ప్రస్తుతం 34 అడుగల మేర నీరు చేరింది.

గతంలో తూము లీకేజీ అవుతుందని దాన్ని పూర్తిగా మూసివేశారు. గతంలో మూసిన తూమును నాగార్జునసాగర్, శ్రీశైలం డ్యామ్​ నిపుణుల బృందం సాయంతో తెరిచేందుకు యత్నిస్తున్నారు. తూము తెరిస్తే ముంపు ప్రాంతాల వారు ఎలాంటి ఆందోళన చెందవద్దని ఎమ్మెల్యే వివేక్ సూచించారు. మరో రెండ్రోజులు రాష్ట్రంలో భారీ వర్షాలు కురిసే అవకాశమున్నందున ప్రజలు అప్రమత్తంగా ఉండాలని చెప్పారు.

• ఇదీ చదవండిసామాజిక మాధ్యమాల్లో వస్తున్న వార్తలు అవాస్తవం: మంత్రి సబితా