Students Reached Hyderabad : ఉక్రెయిన్ నుంచి రాష్ట్రానికి చెందిన 15 మంది విద్యార్థులు శంషాబాద్‌ విమానాశ్రయానికి చేరుకున్నారు. యుద్ధ నేపథ్యంలో ఉక్రెయిన్ నుంచి ప్రత్యేక విమానంలో శనివారం రాత్రి ముంబయి చేరుకున్నారు. అక్కడి నుంచి ఉదయం హైదరాబాద్‌కు వచ్చారు. యుద్ధం జరుగుతుండటంతో భయపడ్డామని... భారత ఎంబసీ వారి సహకారంతో క్షేమంగా చేరుకున్నామని వెల్లడించారు. యువతులు క్షేమంగా రావటంతో తల్లిదండ్రులు భావోద్వేగానికి లోనయ్యారు. బుకారెస్ట్‌ నుంచి మరో 17 మంది దిల్లీకి చేరుకున్నారు. సాయంత్రానికి మరికొంతమంది వచ్చే అవకాశం ఉంది.
ఉక్రెయిన్ నుంచి హైదరాబాద్ చేరుకున్న విద్యార్థులు