తెలంగాణలో దసరా పండుగను పురస్కరించుకుని మద్యాన్ని గరిష్ఠ చిల్లర ధరకు మించి విక్రయాలు చేస్తే కఠిన చర్యలు తీసుకుంటామని అబ్కారీ శాఖ హెచ్చరించింది. షాపుల యజమానులు ఎమ్మార్పీకి మించి మద్యం అమ్మితే రూ.2 లక్షల అపరాధ రుసుం విధించడంతోపాటు వారం రోజులు దుకాణం లైసెన్స్ సస్పెండ్ చేస్తామని ఎక్సైజ్ శాఖ కమిషనర్‌ సోమేశ్‌కుమార్‌ తెలిపారు. శుక్ర, శనివారాల్లో హైదరాబాద్‌, నల్గొండ, వనపర్తి, నిజామాబాద్‌ జిల్లాల్లో ఎనిమిది వైన్‌ షాపులపై ఎమ్మార్పీ ఉల్లంఘన కేసులు నమోదు చేసినట్లు వివరించారు. రాష్ట్రంలోని ఎక్సైజ్ స్టేషన్లకు అదనంగా నాలుగు స్టేట్‌ టాస్క్ఫోర్స్, పది ఎన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ఫోర్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్‌, 34 జిల్లా టాస్క్ఫోర్స్ బృందాలు ఏర్పాటు చేస్తున్నట్లు ఆయన పేర్కొన్నారు.
ఎమ్మార్పీకి మించి అమ్మే వ్యాపారులపై ఫిర్యాదు చేసేందుకు హైదరాబాద్‌ నాంపల్లిలోని స్టేట్‌ కంట్రోల్ సెంటర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో పాటు ఉమ్మడి జిల్లా కేంద్రాల్లో కంట్రోల్ కేంద్రాలు ఏర్పాటు చేశామని సోమేశ్ కుమార్ తెలిపారు. ఫిర్యాదులు అందగానే దాడులు చేయాలని ఎక్సైజ్ స్టేషన్ల అధికారులకు, సబ్‌ డివిజనల్‌ అధికారులకు, జిల్లా ఎక్సైజ్ అధికారులకు, డిప్యూటీ కమిషనర్లకు ఆదేశించామని ఆయన వివరించారు. ఎమ్మార్పీ ఉల్లంఘనలతోపాటు ఇతర ఉల్లంఘనలపై కూడా ఫిర్యాదులు చేయవచ్చని తెలిపారు.