కోమటిరెడ్డిపై అద్దంకి దయాకర్ వ్యాఖ్యల పట్ల సీనియర్ల అసహనం..
Mallu Ravi Comments: కాంగ్రెస్లో ఉంటూ భాజపాకు అనుకూలంగా పనిచేశారని కోమటిరెడ్డి రాజగోపాల్ రెడ్డిపై పీసీసీ సీనియర్ నేత మల్లు రవి ధ్వజమెత్తారు. కాంగ్రెస్‌లోనే ఉంటూ.. శల్యసారథ్యం చేసి పార్టీని చంపాలని చూశారని మండిపడ్డారు. రాజగోపాల్రెడ్డిని మునుగోడు ప్రజలు రాజకీయంగా బొందపెడతారని మల్లు రవి ఘాటువ్యాఖ్యలు చేశారు. రేవంత్ రెడ్డిపై దాసోజు శ్రవణ్ చేసిన ఆరోపణలను సైతం మల్లు రవి తీవ్రంగా ఖండించారు. దాసోజు శ్రవణ్ పార్టీ మారడం తొందరపాటు నిర్ణయంగా పేర్కొన్న మల్లు రవి.. రాబోయే ఎన్నికల్లో భాజపాకు కనీసం డిపాజిట్లు కూడా దక్కవని జోస్యం చెప్పారు. కోమటిరెడ్డి వెంకట్రెడ్డిపై అద్దంకి దయాకర్ చేసిన వ్యాఖ్యలు తొందరపాటు చర్యగా పేర్కొన్నారు.