తెలుగుదేశం పార్టీ అధినేత, ఆంధ్రప్రదేశ్ మాజీ ముఖ్యమంత్రి నారా చంద్రబాబు నాయుడు ఇవాళ దివంగత మాజీ మంత్రి, కాంగ్రెస్ సీనియర్ నేత ముఖేశ్ గౌడ్ కుటుంబ సభ్యులను పరామర్శించారు. హైదరాబాద్లోని ముఖేశ్ గౌడ్ నివాసానికి వెళ్లిన చంద్రబాబు... ఆయన చిత్రపటానికి పూలమాల వేసి నివాళులు అర్పించారు. విద్యార్థి దశ నుంచే రాజకీయాల్లో కీలకంగా పనిచేసిన ముఖేశ్ గౌడ్ అంచెలంచెలుగా మంత్రిగా ఎదిగారని గుర్తు చేసుకున్నారు. నమ్మిన సిద్ధాంతం కోసం పనిచేసిన వ్యక్తి అని కొనియాడారు.
ముఖేశ్ గౌడ్ కుటుంబసభ్యులకు చంద్రబాబు పరామర్శ