బస్​భవన్​ వద్ద భాజపా శ్రేణుల ధర్నా

హైదరాబాద్​ బస్​భవన్​ ఎదుట ఆర్టీసీ కార్మికులకు మద్దతుగా భాజపా కార్యకర్తలు ఆందోళనకు దిగారు. బస్​భవన్​ ప్రహరిగోడ ఎక్కి భాజపా కార్యకర్త హల్​చల్ చేశాడు.

హైదరాబాద్​ బస్​భవన్​ వద్ద ఆర్టీసీ సమ్మెకు మద్దతుగా భాజపా కార్యకర్తలు ధర్నాకు దిగారు. ఆర్టీసీ కల్యాణ మండపం నుంచి బస్​భవన్​ వరకు కాషాయ శ్రేణులు, ఆర్టీసీ నాయకులు ర్యాలీ నిర్వహించారు. అనంతరం బస్​ భవన్​ ఎదుట బైఠాయించి నిరసన వ్యక్తం చేశారు. ఓ కార్యకర్త భవన్​ ప్రహరి గోడ ఎక్కి హల్​చల్ చేశాడు. పోలీసులు దించేందుకు ప్రయత్నించగా... దూకుతానని బెదిరించాడు. ఆర్టీసీ కార్మికుల పట్ల ముఖ్యమంత్రి కేసీఆర్​ తన వైఖరి మార్చుకోవాలంటూ పెద్ద ఎత్తున నినాదాలు చేశారు.

• ఇదీ చూడండి : అధిక ఛార్జీలకు చెక్​... నేటి నుంచి అద్దె బస్సులోనూ టికెట్లు!