హామీలు నెరవేర్చాలని సీఎంకు ఎంపీ కోమటిరెడ్డి లేఖ

రైతులకు ఇచ్చిన హామీలు నెరవేర్చాలని కోరుతూ... ముఖ్యమంత్రి కేసీఆర్​కు ఎంపీ కోమటిరెడ్డి వెంకట్​రెడ్డి లేఖ రాశారు. వారం రోజుల్లో రైతులకు చెబుతానన్న శుభవార్త ఏమైందని ప్రశ్నించారు.

ముఖ్యమంత్రి కేసీఆర్​ ఇచ్చిన హామీలను విస్మరించడం ఎంతవరకు సమంజసమని భువనగిరి ఎంపీ కోమటిరెడ్డి వెంకట్ రెడ్డి ప్రశ్నించారు. కొండపోచమ్మ సాగర్​ ప్రారంభోత్సవం రోజు వారంలో రైతులకు శుభవార్త చెబుతానని ఇంతవరకు చెప్పలేదని విమర్శించారు. ఈ మేరకు ముఖ్యమంత్రికి కోమటిరెడ్డి లేఖ రాశారు. గతంలోనూ అనేక హామీలు ఇచ్చి నెరవేర్చలేదన్నారు.

వెంటనే రైతులకు ఇచ్చిన హామీలు నెరవేర్చకుంటే... ముఖ్యమంత్రి క్షమాపణ చెప్పాలని కోమటిరెడ్డి వెంకట్​రెడ్డి డిమాండ్​ చేశారు. కురుస్తున్న వర్షాలతోనే చెరువులు నిండాయి తప్ప కేసీఆర్​ గొప్పతనమేమీ లేదని ఎద్దేవా చేశారు. తెరాస అధికారంలోకి వచ్చాక అదనంగా ఒక్క ఎకరాకు కూడా సాగునీరందలేదని వ్యాఖ్యానించారు. కాళేశ్వరంతో కమిషన్లు దండుకున్న కేసీఆర్​... కాంగ్రెస్ హయాంలో 90శాతం పూర్తి చేసిన ఎస్​ఎల్​బీసీ, బ్రహ్మణ వెల్లంల, పాలమూరు-రంగారెడ్డి, డిండి ప్రాజెక్టులను విస్మరించారని మండిపడ్డారు.

ఇదీ చదవండిఃకొవిడ్‌ బాధితులకు పరీక్షల నుంచి చికిత్సల వరకు అడ్డంకులే