జీఎస్టీపై బ్యాంక్ ఆఫ్ బరోడా అవగాహన ర్యాలీ

విజిలెన్స్ అవేర్​నెస్​​ వారోత్సవాల్లో భాగంగా ప్రజలకు అవగాహన కల్పించేందుకు హైదరాబాద్​లో బ్యాంక్​ ఆఫ్​ బరోడా ఉద్యోగులు ర్యాలీ నిర్వహించారు. జీఎస్టీపై అవగాహన కల్పించారు.

వస్తు సేవా పన్ను(జీఎస్​టీ)పై ప్రజల్లో అవగాహన కల్పించేందుకు బ్యాంక్ ఆఫ్ బరోడా ఉద్యోగులు హైదరాబాద్​లో అవగాహన ర్యాలీ నిర్వహించారు. విజిలెన్స్ అవేర్​నెస్​​ వీక్ సందర్భంగా... హిమాయత్​నగర్ కూడలి నుంచి బషీర్​బాగ్​లోని పోలీసు కమిషనర్ కార్యాలయం వరకు ఈ ర్యాలీ కొనసాగింది. బ్యాంక్ ఆఫ్ బరోడా తెలంగాణ, ఏపీ రాష్ట్రాల జనరల్ మేనేజర్ పి. శ్రీనివాస్ ర్యాలీని ప్రారంభించారు. జీఎస్​టీ పన్ను సకాలంలో చెల్లించాలని... ఇందులో ఎలాంటి అవినీతికి పాల్పడకూడదని నినాదాలు చేశారు. జీఎస్​టీపై ప్రజల్లో ఉన్న అపోహలు, సందేహలను తొలిగించేందుకు ఈ వారం రోజుల పాటు వివిధ రూపాల్లో అవగాహన కార్యక్రమాలు నిర్వహించనున్నట్లు జీఎం శ్రీనివాస్ తెలిపారు.