'జర్నలిస్ట్​ ప్రకాశ్​ కుటుంబానికి అండగా ఉంటాం'

కరోనా బారిన పడి మృతి చెందిన జర్నలిస్ట్​ ప్రకాశ్​ కుటుంబానికి అన్ని విధాల అండగా ఉంటామని రాష్ట్ర మీడియా ఛైర్మన్​ అల్లం నారాయణ హామీ ఇచ్చారు. తెలంగాణ ఉద్యమ ఆకాంక్షల మేరకు తెలంగాణ వీడియో జర్నలిస్ట్ అసోసియేషన్​ ఏర్పాటు చేసి... దానికి అధ్యక్షుడిగా విలువైన సేవలందించారని గుర్తు చేసుకున్నారు.

తెలంగాణ వీడియో జర్నలిస్ట్ అసోసియేషన్ అధ్యక్షుడు ప్రకాశ్​ ఆకస్మిక మృతి జర్నలిస్టులకు తీరని లోటని రాష్ట్ర మీడియా ఛైర్మన్ అల్లం నారాయణ తెలిపారు. గత కొంతకాలంగా మూత్ర పిండాల వ్యాధితో బాధ పడుతున్న ప్రకాశ్​... కరోనాతో మృతి చెందడం బాధాకరమన్నారు. తెలంగాణ ఉద్యమ ఆకాంక్షల మేరకు తెలంగాణ వీడియో జర్నలిస్ట్ అసోసియేషన్​ ఏర్పాటు చేసి... దానికి అధ్యక్షుడిగా విలువైన సేవలందించారన్నారు.

రాష్ట్ర ప్రప్రథమ అక్రిడిటేషన్ కమిటీ సభ్యుడిగా సేవలుఅందించారని... జర్నలిస్టుల సంక్షేమం కోసం నిరంతరం కృషి చేశారని పేర్కొన్నారు. ఓ న్యూస్ ఛానల్ ఆరంభం నుంచి పనిచేసిన ప్రకాశ్​ మృతి బాధకరమనన్నారు. తెలంగాణ రాష్ట్ర మీడియా అకాడమీ ఆయన కుటుంబాన్ని అన్ని విధాలుగా ఆదుకుంటుందని అల్లం నారాయణ తెలిపారు.

ఇదీ చూడండి:ధన్వంతరి నారాయణుడిగా ఖైరతాబాద్‌ గణపయ్య