భూ క్రమబద్దీకరణపై ప్రభుత్వం పునరాలోచించాలి: వంశీచంద్ రెడ్డి

నూతన భూ క్రమబద్దీకరణపై ఏఐసీసీ కార్యదర్శి వంశీచంద్ రెడ్డి మండిపడ్డారు. దీనిపై ప్రభుత్వ పునరాలోచించుకోవాలని కోరారు. ప్రతిపక్షాలతో చర్చించి... అందరికీ ఆమోదయోగ్యమైన విధానాలు చేపట్టాలని డిమాండ్ చేశారు.

నూతన భూక్రమబద్దీకరణ పథకంపై రాష్ట్ర ప్రభుత్వం పునరాలోచించాలని... ఏఐసీసీ కార్యదర్శి వంశీచంద్‌ రెడ్డి కోరారు. ఇటీవల విడుదల చేసిన జీవో నెంబర్-131అశాస్త్రీయమని పేర్కొన్నారు. కరోనా వేళ కాలానికి ఎదురీదుతున్న ప్రజలకు... ఉపశమన చర్యలు చేపట్టాల్సిన ప్రభుత్వం... ఖజనా నింపుకునేందుకు ప్రాధాన్యమివ్వటం సరైంది కాదన్నారు. ప్రజల ఆందోళనలు తీవ్ర రూపం దాల్చకముందే... అందరికీ ఆమోదయోగ్యమైన విధానాలను చేపట్టాలని ఆయన డిమాండ్‌ చేశారు.