మెట్రో ప్రారంభోత్సవం ఆపండి: మర్రి శశిధర్​ రెడ్డి

అమీర్​పేట​ నుంచి హైటెక్​ సిటీకి మెట్రోరైలు ప్రారంభోత్సవ కార్యక్రమాన్ని ఆక్షేపిస్తున్నట్లు కాంగ్రెస్​ సీనియర్​ నాయకుడు మర్రి శశిధర్​ రెడ్డి తెలిపారు. ఎన్నికల కోడ్​ అమలులో ఉన్న సమయంలో రాష్ట్ర గవర్నర్​ ఏ విధంగా అంగీకరిస్తారని ప్రశ్నించారు.

ఎన్నికల కోడ్‌ అమలులో ఉన్న సమయంలో అమీర్‌పేట​ నుంచి హైటెక్‌ సిటీకి మెట్రోరైలు ప్రారంభోత్సవ కార్యక్రమం ఏర్పాటు చేయడాన్ని తీవ్రంగా ఆక్షేపిస్తున్నట్లు కాంగ్రెస్‌ సీనియర్‌ నేత మర్రి శశిధర్‌ రెడ్డి తెలిపారు. రాష్ట్ర గవర్నర్‌ దీనిని ఏవిధంగా అంగీకరిస్తారన్నారు. తెరాసకు పక్షపాతంగా వ్యవహారిస్తూ మెట్రో ప్రారంభోత్సవానికి రావడాన్ని తప్పుబడుతున్నామని పేర్కొన్నారు. సచివాలయానికి వెళ్లిన మర్రి శశిధర్‌ రెడ్డి ఈ కార్యక్రమం జరపకుండా చూడాలని రాష్ట్ర ఎన్నికల అధికారి రజత్‌కుమార్‌ను కోరారు.

ఇవీ చూడండి:భాజపా గూటికి జేజమ్మ