నిశ్చితార్థంతో ఫేస్'​బుక్'

సామాజిక మాధ్యమాలు నేరాలకు అడ్డాగా మారడమే కాదు..నేరస్తుల ఆట కట్టిస్తున్నాయి. భార్య ఉండగానే మరో పెళ్లికి సిద్ధమైన వ్యక్తిని 'ఫేస్​బుక్' పట్టించింది. కటకటాల వెనక్కి పంపించింది. ఓ మహిళ జీవితాన్ని కాపాడింది.

భార్యకు తెలియకుండా రెండో పెళ్లికి సిద్ధపడిన ఓ ప్రబుద్ధుడిని 'ఫేస్​బుక్' పట్టించింది. రంగారెడ్డి జిల్లా అస్పల్లిగూడకు చెందిన నల్లవల్లి కిషోర్​ రెడ్డి హైదరాబాద్ దిల్​సుఖ్​నగర్ నివాసి. ప్రకాశం జిల్లా గంపుమేస్త్రీ కుటుంబం కొన్నేళ్లుగా ఎల్​బీనగర్​లో స్థిరపడ్డారు. ఈయన కుమార్తె బీటెక్ చదివి ఉద్యోగ ప్రయత్నాల్లో ఉండగా..2015లో కిషోర్ రెడ్డితో పరిచయమైంది. కొన్ని నెలలకే ఆర్య సమాజ్​లో పెళ్లికూడా చేసుకున్నారు.అమెరికా వెళ్లే ప్రయత్నం చేయగా కిషోర్ వీసా తిరస్కరణకు గురైంది.
అమెరికా వెళ్లిన కిషోర్ భార్య ప్రతి నెలా రూ.1.50లక్షలు పంపించేది. ఆయన పేరుమీద నాగోల్​లో ఓ ఫ్లాట్​ను కోనుగోలు చేసింది. జల్సాలకు అలవాటుపడిన కిషోర్​కు బెంగుళూరుకు చెందిన మరో అమ్మాయితో పరిచయం ఏర్పడింది. ఈమె కుటుంబంతో మాటలు కలిపి పెళ్లికి ఒప్పించాడు. హైదరాబాద్​లో పలు వ్యాపారాలు ఉన్నాయని నమ్మించి నిశ్చితార్థం చేసుకున్నాడు. కట్నకానుకుల కింద 10 లక్షల నగదు, కొంత బంగారం కూడా పుచ్చుకున్నాడు. అయితే ఫేస్​బుక్​లో పెట్టిన నిశ్చితార్థం చిత్రాలు మొదటి భార్య చూసి పోలీసులకు ఫిర్యాదు చేసింది. కేసు నమోదు చేసుకున్న పోలీసులు కిషోర్​ని కటకటాల్లోకి పంపారు. చెడు పోకడలకు అలవాటుపడిన కిషోర్ రెడ్డికి విడాకులకు సైతం దరఖాస్తు చేసింది.