Ather Scooter Launch : ఏథర్​ 450ఎస్​, న్యూ 450ఎక్స్​ లాంఛ్​.. ఫీచర్స్ అదుర్స్​.. ధర ఎంతంటే?

Ather 450S Scooter Launch In Telugu : ప్రముఖ విద్యుత్​ వాహన తయారీ సంస్థ ఏథర్ ఇవాళ భారత మార్కెట్లో 3 సరికొత్త ఎలక్ట్రిక్​ స్కూటర్లను లాంఛ్​ చేసింది. వీటిలో బ్రాండ్​ న్యూ మోడల్​ ఏథర్​ 450ఎస్​ ఒకటి కాగా మిగతా రెండు.. ఏథర్​ 450ఎక్స్​ రివైజ్డ్​ వెర్షన్స్​కు చెందినవి. ఈ నయా స్కూటర్ల ఫీచర్స్​, వేరియంట్స్​, రేంజ్​, ధర తదితర పూర్తి వివరాలు ఇప్పుడు మనం తెలుసుకుందాం.

Ather 450S Scooter Launch : ఏథర్ కంపెనీ శుక్రవారం భారత మార్కెట్​లో 3 సరికొత్త ఎలక్ట్రిక్​ స్కూటర్లను లాంఛ్​ చేసింది. వీటిలో ఒకటి ఏథర్​ 450ఎస్​ సరికొత్త మోడల్​ కాగా, ఏథర్​ 450ఎక్స్ రివైజ్డ్​ వెర్షన్​ స్కూటర్లు రెండు ఉన్నాయి.

ఏథర్​ 450ఎస్ స్కూటర్​​ ఫీచర్స్​
Auther 450S Scooter Features :ఏథర్​ నయా 450ఎస్​ స్కూటర్​.. ఓలా ఎస్​1 ఎయిర్​కు పోటీగా నిలుస్తుందని మార్కెట్​ వర్గాలు భావిస్తున్నాయి. ఈ ఎలక్ట్రిక్​ స్కూటర్​లో 2.9 కిలోవాట్​ బ్యాటరీ కెపాసిటీ ఉంది. ఇది 115 కి.మీ ఐడీసీ రేంజ్​ను ఇస్తుంది. ఈ ఏథర్​ 450 ఎస్​ స్కూటర్​ కేవలం 3.9 సెకెన్లలోనే 0 నుంచి 40 కి.మీ వేగాన్ని అందుకుంటుంది. ఈ ఎలక్ట్రిక్​ స్కూటర్​తో గరిష్ఠంగా గంటకు 90 కి.మీ వేగంతో ప్రయాణించవచ్చు.

ఏథర్​ 450ఎస్​ స్కూటర్​లో..​ డీప్​వ్యూ డిస్​ప్లే, న్యూ స్విచ్​గేర్​, ఫాల్​సేఫ్​ ఫీచర్​, ఎమర్జెన్సీ స్టాప్ సిగ్నల్​ (ఈఎస్​ఎస్​), కోస్టింగ్ రీజెన్​ ఉన్నాయి. ఇందులో అమర్చిన గ్రిడ్​ ఫాస్ట్ ఛార్జర్ వల్ల​ 1.5 కి.మీ/మినిట్​ వేగంతో బ్యాటరీని ఛార్జ్ చేయవచ్చని కంపెనీ చెబుతోంది.

Auther 450S Pro Pack :ఏథర్​ 450 ఎస్​తో పాటు వినియోగదారులు ప్రో ప్యాక్​ను కూడా తీసుకోవచ్చు. ఈ ప్రో ప్యాక్​ ద్వారా రైడ్ అసిస్ట్, ఏథర్​ బ్యాటరీ ప్రొటెక్షన్​, ఏథర్​ స్టేక్​ అప్​డేట్స్​, ఏథర్​ కనెక్ట్​ ఫీచర్లను పొందవచ్చు.

ఏథర్​ 450ఎస్ స్కూటర్​​ ధర
Auther 450S Scooter Price : ఈ ఏథర్​ 450 ఎస్​ స్కూటర్​ ధరను రూ.1,29,999లుగా కంపెనీ నిర్ణయించింది. ఇది ఏథర్​ 450 ఎక్స్​ కంటే మంచి పెర్ఫార్మెన్స్​ ఇస్తుందని, అలాగే దీనిలో మంచి భద్రతా ఫీచర్లు ఉన్నాయని కంపెనీ చెబుతోంది.

ఏథర్​ 450 ఎక్స్ వేరియంట్స్​
Ather 450X Variants : అప్​డేటెడ్​ ఏథర్​ 450 ఎక్స్​ స్కూటర్​ ఇప్పుడు 115కి.మీ, 145కి.మీ రేంజ్​ వేరియంట్లలో లభిస్తుంది. ఏథర్​ కంపనీ ఈ స్కూటర్లకు కూడా ప్రో ప్యాక్​ ఆప్షన్ అందిస్తోంది.

ఏథర్ 450 ఎక్స్​ ఫీచర్లు
Ather 450 X Features : ఈ స్కూటర్లలో 7 అంగుళాల డీప్​వ్యూ డిస్​ప్లే, 18+ డైరెక్షనల్​ ఆన్​-బోర్డ్ నావిగేషన్​ ఉన్నాయి. అలాగే ఈ స్కూటర్​లో..​ డిస్​ప్లే యూఐతో ఇంటరాక్ట్ అయ్యే విధంగా వన్​-క్లిక్​ రివర్స్​, జాయ్​స్టిక్​తో కూడిన స్విచ్​గేర్​ ఉంది.

Ather 450 X Safety Features : ఏథర్​ 450 ఎక్స్​లోని ఫాల్​ఫీచర్​ వల్ల స్కూటర్​ ఒక వేళ 60 డిగ్రీల కంటే ఎక్కువ వంగితే.. వెంటనే యాక్సిలేటర్ ఆగిపోతుంది. అలాగే దీనిలోని ఎమర్జెన్సీ స్టాప్​ సిగ్నల్.. ప్రమాదకర పరిస్థితుల్లో రైడర్​ను బ్రేకులు వేయమని హెచ్చరిస్తుంది.

డెలివరీ ఎప్పుడు?
Ather Electric Scooters Delivery :ఏథర్​ 450 ఎక్స్​ స్కూటర్లను ఆగస్టు మూడో వారంలో డెలివరీ చేయవచ్చు. ఏథర్​ 450 ఎస్​ స్కూటర్​ను ఆగస్టు నాలుగో వారంలో డెలివరీ చేసే అవకాశం ఉంది. అలాగే 3.7 కిలోవాట్​ బ్యాటరీ ఉన్న ఏథర్​ 450ఎక్స్​ వేరియంట్​ 2023 అక్టోబర్​లో లాంఛ్ చేసే అవకాశం ఉంది.

ఏథర్​ ప్రో ప్యాక్​ ధర
Ather Pro Pack Price :వినియోగదారులు ప్రత్యేకంగా ఏథర్​ ప్రో ప్యాక్​ను కొనుగోలు చేసుకోవచ్చు. ఏథర్​ 450 ఎస్​ స్కూటర్​తో వచ్చే ప్రో ప్యాక్​ ధర రూ.14,000; ఏథర్​ 450ఎక్స్​ (2.9 కిలోవాట్​ )తో వచ్చే ప్రో ప్యాక్ ధర రూ.16,000; ఏథర్​ 450ఎక్స్​ (3.7 కిలోవాట్​ )తో వచ్చే ప్రో ప్యాక్ ధర రూ.23,000 ఉంటుంది.