స్టాక్మార్కెట్లు భారీ నష్టాలతో ట్రేడవుతున్నాయి. సెన్సెక్స్ దాదాపు 900 పాయింట్లు నష్టంతో 38 వేల 650 వద్ద ట్రేడవుతోంది. నిఫ్టీ 250 పాయింట్లతో 11 వేల 545 వద్ద కొనసాగుతోంది.
2019లో సెన్సెక్స్ ఒకే రోజున ఈ స్థాయిలో నష్టపోవడం ఇదే తొలిసారి.
ఇవీ కారణాలు...
అధిక ఆదాయం కలిగిన వారిపై సర్ఛార్జిని పెంచుతూ బడ్జెట్లో కీలక ప్రకటన చేసింది కేంద్రం. విదేశీ మదుపర్లు, సంపన్నులపై పన్ను భారం పెంచే ఈ నిర్ణయం మదుపర్లను తీవ్ర నిరాశకు గురిచేసింది.
అమెరికాలో ఉద్యోగ గణాంకాలు మెరుగైన నేపథ్యంలో ఫెడరల్ రిజర్వ్ వడ్డీ రేట్లను భారీగా తగ్గిస్తుందన్న అంచనాలు ప్రతికూల ప్రభావం చూపాయి.
ఫలితంగా హెచ్డీఎఫ్సీ బ్యాంక్, ఎల్ అండ్ టీ, బజాజ్ ఫినాన్స్ వంటి దిగ్గజ సంస్థల షేర్లు తీవ్ర అమ్మకాల ఒత్తిడికి గురవుతున్నాయి.