మాంద్యం భయాలతో మార్కెట్లకు మళ్లీ నష్టాలే

కరోనా భయాలతో స్టాక్​ మార్కెట్లు మరోమారు నష్టాల్లోకి వెళ్లాయి. సెన్సెక్స్​ 173 పాయింట్ల నష్టపోయి 30వేల దిగువకు చేరింది. నిఫ్టీ 43 పాయింట్లు కోల్పోయి 8,749 వద్ద స్థిరపడింది.

కరోనా ప్రభావం, అంతర్జాతీయ మార్కెట్ల నుంచి ప్రతికూల పవనాలతో దేశీయ మార్కెట్లు నేడు మళ్లీ నష్టాల్లోకి వెళ్లాయి. ఉదయం నుంచి ఒడుదొడుకుల్లో కొనసాగుతూ.. చివరకు నష్టాల్లో ముగిశాయి. నిన్న భారీ లాభాలతో దూసుకెళ్లి 30వేల పాయింట్లు దాటిన సెన్సెక్స్​ ఆ మార్కును కాపాడుకోలేకపోయింది.

బొంబాయి స్టాక్​ ఎక్స్ఛేంజి సూచీ సెన్సెక్స్​- 173 పాయింట్లు కోల్పోయి 29,893 వద్ద ముగిసింది.

జాతీయ స్టాక్​ ఎక్స్ఛేంజి సూచీ- నిఫ్టీ 43 పాయింట్లు నష్టంతో 8,749 వద్ద స్థిరపడింది.

లాభనష్టాల్లోనివి..

వేదాంత, సన్​ఫార్మా, సిప్లా, సిప్లా, ఎన్​టీపీసీ, భారతీయ ఎయిర్​టెల్​ లాభపడ్డాయి.

టీసీఎస్​, టైటాన్​ కంపెనీ, శ్రీ సిమెంట్​, హిందాల్కో, బీపీసీఎల్ నష్టాలను మూటగట్టుకున్నాయి.