Rakesh Jhunjhunwala Portfolio: స్టాక్మార్కెట్ కుప్పకూలడం మదుపర్లకు తీవ్ర నష్టాన్ని మిగల్చింది. బిగ్ బుల్గా పేర్కొనే దిగ్గజ మదుపరి రాకేశ్ ఝున్ఝన్వాలా కూడా ఇందుకు మినహాయింపు కాదు. ఆయన పెట్టుబడి పెట్టిన టైటాన్, టాటా మోటార్స్ సంస్థల షేర్లు కుదేవలడం భారీ నష్టాన్ని కలిగించింది. కేవలం 10 నిమిషాల్లో ఝన్ఝున్వాలాకు చెందిన దాదాపు రూ.230 కోట్ల సంపద ఆవిరైంది.
నష్టాల్లోకి ఇలా..
మార్కెట్ ప్రారంభ సమయానికి టైటాన్ సంస్థ షేర్ విలువ రూ.22.70 నష్టంతో రూ.2280.40గా ఉండేది. కానీ కాసేపటికే షేర్ విలువ రూ.2241.10కి చేరుకుంది. దీంతో కేవలం 10 నిమిషాల్లోనే షేర్కు రూ. 39.30 చొప్పున తగ్గిపోయింది.
టైటాన్లో రాకేశ్కు 3,37,60,395 షేర్లు ఉండగా ఆయన సతీమణి రేఖా ఝున్ఝున్వాలా 95,40,575 షేర్లు కొనుగోలు చేశారు. వీరిద్దరికీ కలిపి మొత్తం 4,33,00,970 షేర్లు ఉన్నాయి.