మార్కెట్లకు భారీ లాభాలు- సెన్సెక్స్ 458 ప్లస్​

15:39 February 03

14,800 సమీపంలో నిఫ్టీ..

వరుస లాభాలతో స్టాక్ మార్కెట్లు సరికొత్త రికార్డు సృష్టించాయి. బుధవారం సెషన్​లో బీఎస్​ఈ-సెన్సెక్స్​ 458 పాయింట్లు బలపడి చరిత్రలో తొలిసారి 50,256 వద్ద స్థిరపడింది. ఎన్​ఎస్​ఈ-నిఫ్టీ 142 పాయింట్లకుపైగా పెరిగి జీవనకాల గరిష్ఠమైన 14,790 వద్దకు చేరింది.

బడ్జెటోత్సాహం, అంతర్జాతీయ సానుకూలతలు లాభాలకు ప్రధాన కారణంగా తెలుస్తోంది. బ్యాంకింగ్, ఫార్మా షేర్లు లాభాల్లో ప్రధానంగా ఉన్నాయి.

• ఇండస్​ఇండ్ బ్యాంక్, పవర్​గ్రిడ్, డాక్టర్ రెడ్డీస్​, సన్​ఫార్మా, ఎన్​టీపీసీ, టెక్​ మహీంద్రా షేర్లు ఎక్కువగా లాభాలను గడించాయి.
• ఐటీసీ, మారుతీ, అల్ట్రాటెక్​ సిమెంట్, ఏషియన్​ పెయింట్స్, కోటక్ మహీంద్రా బ్యాంక్​, నెస్లే ఇండియా షేర్లు నష్టపోయాయి.

14:35 February 03

14,850పైకి నిఫ్టీ..

స్టాక్ మార్కెట్లు రికార్డు స్థాయి లాభాలతో కొనసాగుతున్నాయి. సెన్సెక్స్​ దాదాపు 670 పాయింట్లు పెరిగి జీవనకాల గరిష్ఠమై 50,466 వద్ద ట్రేడవుతోంది. నిఫ్టీ దాదాపు 210 పాయంట్ల వృద్ధితో 14,857 వద్ద ట్రేడింగ్ సాగిస్తోంది.

బ్యాంకింగ్, ఫార్మా షేర్లు లాభాల్లో దూసుకుపోతున్నాయి.

• ఇండస్​ఇండ్ బ్యాంక్, పవర్​గ్రిడ్, సన్​ఫార్మా, ఎన్​టీపీసీ, డాక్టర్​ రెడ్డీస్, ఎం&ఎం షేర్లు లాభాల్లో ప్రధానంగా ఉన్నాయి.
• 30 షేర్ల ఇండెక్స్​లో అల్ట్రాటెక్​ సిమెంట్, కోటక్ మహీంద్రా బ్యాంక్, మారుతీ షేర్లు మాత్రమే నష్టాల్లో ఉన్నాయి.

11:32 February 03

14,800 పైకి నిఫ్టీ..

స్టాక్ మార్కెట్లలో బడ్జెటోత్సాహం కొనసాగుతోంది. సెన్సెక్స్ దాదాపు 500 పాయింట్ల లాభంతో సరికొత్త రికార్డు స్థాయి అయిన 50,296 వద్ద ట్రేడవుతోంది. నిఫ్టీ దాదాపు 160 పాయింట్లు బలపడి కొత్త గరిష్ఠమైన 14,806 వద్ద కొనసాగుతోంది.

బ్యాంకింగ్, ఫార్మా, ఐటీ షేర్లు భారీ లాభాలకు దన్నుగా నిలుస్తున్నాయి.

• ఇండస్​ఇండ్ బ్యాంక్, పవర్​గ్రిడ్, ఎం&ఎం, డాక్టర్​ రెడ్డీస్​, సన్​ఫార్మా, టెక్ మహీంద్రా షేర్లు భారీ లాభాల్లో ఉన్నాయి.
• మారుతీ, ఐటీసీ, అల్ట్రాటెక్​ సిమెంట్, ఏషియన్​ పెయింట్స్, టీసీఎస్​, నెస్లే షేర్లు నష్టాల్లో ఉన్నాయి.

09:50 February 03

సెన్సెక్స్ 230 ప్లస్

స్టాక్ మార్కెట్లలో మూడో రోజూ లాభాలు కొనసాగుతున్నాయి. సెన్సెక్స్​ 230 పాయింట్లకుపైగా లాభంతో 50,027 వద్ద ట్రేడవుతోంది. నిఫ్టీ దాదాపు 60 పాయింట్లు పెరిగి 14,711 వద్ద కొనసాగుతోంది.

బడ్జెట్ నింపిన ఉత్సాహంతో పాటు అంతర్జాతీయ సానుకూలతలు మార్కెట్ల లాభాలకు కారణంగా నిపుణులు అభిప్రాయపడుతున్నారు.

• ఇండస్​ఇండ్ బ్యాంక్, డాక్టర్​ రెడ్డీస్​, పవర్​గ్రిడ్​, ఎం&ఎం, టెక్ మహీంద్రా, సన్​ఫార్మా లాభాల్లో ప్రధానంగా ఉన్నాయి.
• మారుతీ, కోటక్ మహీంద్రా బ్యాంక్, హెచ్​డీఎఫ్​సీ బ్యాంక్, ఐటీసీ, ఎస్​బీఐ, ఎల్​&టీ షేర్లు నష్టాల్లో కొనసాగుతున్నాయి.

09:18 February 03

దేశీయ స్టాక్ మార్కెట్లు బుధవారం ఆరంభ ట్రేడింగ్​లో సరికొత్త శిఖరాలకు చేరాయి. తొలుత 433 పాయింట్లు లాభంతో ప్రారంభమైన బాంబే స్టాక్ ఎక్స్ఛేంజీ సూచీ సెన్సెక్స్.. 50,231 పాయింట్ల జీవితకాల గరిష్ఠాన్ని నమోదు చేసింది. అనంతరం తిరిగి నష్టాల్లోకి జారుకుంది. 94 పాయింట్ల నష్టంతో 49,704 వద్ద ట్రేడవుతోంది. 

అటు, జాతీయ స్టాక్ ఎక్స్ఛేంజీ సూచీ..నిఫ్టీ సైతం లాభాలతోనే సెషన్ ఆరంభించింది. 107 పాయింట్లు వృద్ధి చెంది.. 14,754 వద్ద ట్రేడవుతోంది.

రిలయన్స్, హిందుస్థాన్ యూనీలివర్, టీసీఎస్ మినహా అన్ని షేర్లూ లాభాల్లో పయనిస్తున్నాయి.