15:39 July 20
బ్యాంకింగ్, ఐటీ షేర్ల జోరు..
స్టాక్ మార్కెట్లు సోమవారం భారీ లాభాలను నమోదు చేశాయి. సెన్సెక్స్ 399 పాయింట్లు బలపడి 37,419కి చేరింది. నిఫ్టీ 120 పాయింట్లు బలపడి 11,022 వద్దకు చేరింది.
09:47 July 20
37,400 చేరువలో సెన్సెక్స్..
స్టాక్ మార్కెట్లు లాభాల్లో స్థిరంగా కొనసాగుతున్నాయి. సెన్సెక్స్ 360 పాయింట్లకుపైగా లాభంతో 37,382 వద్ద ట్రేడవుతోంది. నిఫ్టీ 100 పాయింట్లకుపైగా బలపడి నాలుగు నెలల తర్వాత తొలిసారి 11,000 మార్క్ను దాటింది.
కరోనా సంక్షోభంలోనూ ఏప్రిల్-జూన్ త్రైమాసికంలో హెచ్డీఎఫ్సీ బ్యాంక్ 19.6 శాతం లాభాలను ప్రకటించిన నేపథ్యంలో షేర్లు 4 శాతానికిపైగా పుంజుకున్నాయి. వీటికి తోడు ఇతర బ్యాంకింగ్ షేర్లు, ఐటీ రంగం సానుకూలంగా స్పందిస్తుండటం లాభాలకు ప్రధాన కారణం.
09:17 July 20
అంతర్జాతీయంగా ప్రతికూలతలున్నా లాభాల్లో మార్కెట్లు
అంతర్జాతీయంగా మిశ్రమ సంకేతాలున్నా.. దేశీయ సూచీలు లాభాల్లో పయనిస్తున్నాయి. సెన్సెక్స్ ఆరంభ ట్రేడింగ్లో 366 పాయింట్లు పెరిగింది. ప్రస్తుతం 37 వేల 386 వద్ద ట్రేడవుతోంది. నిఫ్టీ 100 పాయింట్ల లాభంతో 11 వేల ఎగువకు చేరింది.
హెచ్డీఎఫ్సీ బ్యాంక్, కోల్ ఇండియా, ఇన్ఫోసిస్, ఐసీఐసీఐ బ్యాంక్, హెచ్సీఎల్ టెక్ రాణిస్తున్నాయి.
సన్ ఫార్మా, టాటా మోటర్స్, టైటాన్ కంపెనీ, కోటక్ మహీంద్రా నష్టాల్లో ఉన్నాయి.
