లాభాలతో ప్రారంభమైన దేశీయ సూచీలు నష్టాలతో ముగిశాయి. బొంబాయి స్టాక్ ఎక్స్ఛేంజి సూచీ- సెన్సెక్స్ 98 పాయింట్లు క్షీణించి 38,757 పాయింట్ల వద్ద స్థిరపడింది.
జాతీయ స్టాక్ ఎక్స్ఛేంజి సూచీ- నిఫ్టీ 24 పాయింట్లు పడిపోయి 11,440కి చేరుకుంది.
ఐటీ షేర్లు భారీ లాభాల్లో ట్రేడయినా.. బ్యాంకింగ్ రంగంలో అమ్మకాల ఒత్తిడితో సూచీలు నష్టపోయాయి. ఒకానొక దశలో 375 పాయింట్లు లాభపడ్డ సెన్సెక్స్ 39,230 గరిష్ఠాన్ని తాకింది.
లాభనష్టాల్లో..
హెచ్సీఎల్ టెక్ 10 శాతంపైగా లాభపడింది. టీసీఎస్, ఇన్ఫోసిస్, టెక్ మహీంద్రా, టైటాన్, బజాజ్ ఆటో షేర్లు రాణించాయి.