మారటోరియం సమయంలో రుణాలపై వడ్డీ వసూలు చేయటాన్ని సవాలు చేస్తూ దాఖలైన వ్యాజ్యంపై సుప్రీం కోర్టు మరోసారి విచారణ చేపట్టింది. మారటోరియంలో వడ్డీ ఎలా వసూలు చేస్తారని వ్యాఖ్యానించింది. అలాంటప్పుడు మారటోరియం విధించి ప్రయోజనమేంటని కేంద్రాన్ని అత్యన్నత న్యాయస్థానం ప్రశ్నించింది.
'వడ్డీ వసూలు చేస్తే మారటోరియంతో ప్రయోజనమేంటి?' - ఈఎంఐలపై వడ్డీ రద్దుపై కేంద్రం స్పందన
లాక్డౌన్ నేపథ్యంలో ఆర్బీఐ విధించిన మారటోరియంలో రుణాలపై వడ్డీ వసూలు చేయడాన్ని సుప్రీం కోర్టు తప్పుబట్టింది. వడ్డీ వసూలు చేసినప్పుడు మారటోరియంతో ఉపయోగమేంటని ప్రశ్నించింది.
వడ్డీ వసూలు గురించి కేంద్రంపై సుప్రీం సీరియస్
ఈ విషయంపై మూడు రోజుల్లో ఆర్థిక మంత్రిత్వ శాఖ, ఆర్బీఐలు సంయుక్త సమావేశం నిర్వహించి.. వడ్డీ వసూలు చేయాలా వద్దా? అనే నిర్ణయం తీసుకోవాలని సర్వోన్నత న్యాయస్థానం సూచించింది. ఈ విషయంపై ఆర్థిక శాఖ, ఆర్బీఐ అధికారులతో చర్చించి అఫిడవిట్ దాఖలు చేస్తామని సొలిసిటర్ జనరల్ తుషార్ మెహతా కోర్టుకు తెలిపారు. ఇందుకు కాస్త సమయం కావాలని కోరారు. జూన్ 17న తదుపరి విచారణ చేపట్టనున్నట్లు ధర్మాసనం తెలిపింది.
ఇదీ చూడండి:ఉద్యోగుల్లో కరోనా భయాలకు ఇన్ఫీ సాంకేతిక పరిష్కారం!
Last Updated : Jun 12, 2020, 1:20 PM IST