ఐటీ రీఫండ్​ కోసం ఆశపడితే మోసపోవడం ఖాయం!

ఇటీవల సైబర్ మోసాలు పెరిగిపోయిన నేపథ్యంలో ఐటీ శాఖ అప్రమత్తమైంది. మోసపూరిత ఈ మెయిల్​లలో వచ్చే లింక్​లు క్లిక్​ చేయొద్దని పన్ను చెల్లింపుదారులను హెచ్చరించింది.

అపరిచిత ఈ-మెయిల్స్ పట్ల అప్రమత్తంగా ఉండాలని పన్ను చెల్లింపుదారులను హెచ్చరించింది ఆదాయపు పన్ను శాఖ(ఐటీ). ఇటీవల మోసపూరిత ఈ-మెయిల్స్​తో సైబర్​ మోసాలు పెరిగిపోయిన నేపథ్యంలో ఈమేరకు చర్యలు చేపట్టింది.

"పన్ను చెల్లింపుదారులు జాగ్రత్త వహించడండి! రీఫండ్ ఇస్తామంటూ వచ్చే తప్పుడు లింక్​లపై క్లిక్ చేయకండి. అవన్నీ మోసపూరిత ఈ-మెయిళ్లు. మేము అలాంటి ఈ-మెయిల్స్ ఏవీ పంపలేదు." -ఐటీ శాఖ ట్వీట్​

ఇప్పటి వరకు ఉన్న అధికారిక గణాంకాల ప్రకారం.. ఏప్రిల్ 8 నుంచి 20 వరకు ఐటీ శాఖ 14 లక్షల మందికి రూ.9 వేల కోట్లు రీఫండ్ చేసింది.

ఇదీ చూడండి:రూ.22కు పడిపోయిన ఇంధన ధరలు